பாலிவுட்டில் தொடரும் சோகம்.. பிரபல நடிகர் திடீர் மரணம்.. துயரத்தில் ரசிகர்கள்!

பழம் பெரும் நடிகர் சமீர் காகர்

பழம்பெரும் நடிகரான இவர், கடந்த சில நாட்களாக உடல்நலக்குறைவால் பாதிக்கப்பட்டிருந்த சமீர் காகர் இன்று காலை மூச்சு திணறல் ஏற்பட்டு மருத்துவமனையில் உயிரிழந்துள்ளார். இந்த தகவலை அவரது சகோதரர் கணேஷ் காகர் உறுதிப்படுத்தி உள்ளார். நடிகர் சமீர் காகர் ஏற்கனவே சிறிநீரக பிரச்சனைகளால் அவதிப்பட்டு வந்தார். நேற்று மதியம் அவருக்கு சுவாசக் கோளாறுகள் ஏற்பட்டு, சுயநினைவை இழந்தார்.

அதிகாலை உயிரிழந்தார்

உடனே நாங்கள் மருத்துவர்களை அழைத்தோம், அவர்கள் உடனடியாக மருத்துவமனையில் அனுமதிக்கும்படி கூறினார்கள். இதையடுத்து, போரிவலி எம்.எம் மருத்துவமனையில் அனுமதித்தோம் அவருக்கு, வென்டிலேட்டர் உதவியுடன் செயற்கை சுவாசம் அளிக்கப்பட்டது. இருந்த போதும், சிகிச்சை பலன் இன்றி இன்று அதிகாலை 4:30 மணி அளவில் உயிரிழந்தார் என்றார்.

இன்று இறுதிச்சடங்கு

அவரின் இறுதிச்சடங்கு நடிகர் சமீர் காகர் இல்லத்தில் நடைபெறும் என்றும், பொதுமக்களின் அஞ்சலிக்காக வைக்கப்பட்டு பிற்பகலில் இறுதி சடங்குகள் நடத்தப்பட்டு பாபாய் நாகா மயானத்தில் தகனம் செய்யப்படும் என்று, அவரது சகோதரர் கூறினார். ரசிகர்களால், கோப்டியா என்று செல்லமாக அழைக்கப்படும் பழம்பெரும் நடிகர் சமீர் காகர் உயிரிழந்தது அவரது ரசிகர்களை சோகத்தில் ஆழ்த்தி உள்ளது.

பாலிவுட்டில் தொடரும் சோகம்

கடந்த வாரம் பாலிவுட் நடிகரும், திரைப்பட தயாரிப்பாளருமான சதீஷ் கௌசிக் மாரடைப்பால் உயிரிழந்தார். வீட்டில் இருந்த சதீஷ் கௌசிக்கிற்கு நெஞ்சுவலி ஏற்பட்டதை அடுத்து காரில் மருத்துவமனைக்கு செல்லும் வழியிலேயே உயிரிழந்தார். இவர் ஜானே பிதோ யாரோன், தீவானா மஸ்தானா போன்ற படங்களில் நடித்துள்ளார். கடந்த வாரம் இவர் மறைந்த நிலையில் பழம் பெரும் நடிகர் சமீர் காகர் உயிரிழந்துள்ளது பாலிவுட் ரசிகர்களை சோகத்தில் ஆழ்த்தி உள்ளது.