நான் மறுபடியும் தப்பு செய்யும்போது வச்சு செய்யுங்க, இப்ப வேணாம்: கஸ்தூரி

மன்னிப்பு

ரொம்ப வேடிக்கையாக பேசுவதாக நினைத்து ரொம்ப தப்பாக ஒரு ட்வீட் செய்துவிட்டேன். அதனால் நான் ரொம்ப மதிக்கிற என்னுடைய நண்பர்கள், சகோதர, சகோதரிகளுடைய மனசு வேதனைப்படுகிறது என்பது புரிந்த உடனேயே அந்த ட்வீட்டை நீக்கிவிட்டேன், பகிரங்கமாக மன்னிப்பும் கேட்டிருக்கிறேன்.

விளக்கம்

எல்.ஜி.பி.டி. நண்பர்கள் பலருடன் நான் நன்கு பழகுவது அனைவருக்கும் தெரியும். அவர்களிடம் நேரடியாகவே என்னுடைய வருத்தத்தையும், விளக்கத்தையும் தெரிவித்துள்ளேன். சமூக வலைதளங்களில் திருநங்கைகளிடம் என்னுடைய வருத்தத்தை தெரிவித்துள்ளேன், மன்னிப்பும் கேட்டிருக்கிறேன். அவர்கள் என்னை கடிந்தாலும், பெருந்தன்மையாக மன்னித்துவிட்டார்கள்.

உண்மை

யாருமே பார்க்காமல் சீக்கிரமே முடிந்து போக வேண்டிய விஷயம் நீக்கப்பட்ட ட்வீட்டை ஸ்கிரீன்ஷாட் எடுத்து பரப்புபவதால் உண்மைக்கு புறம்பான சர்ச்சையாக மாறுகிறது. ஸ்கிரீன்ஷாட்டை பரப்பி பரப்பி என் சகோதர, சகோதரிகள் மற்றும் என் மனதை காயப்படுத்துகிறீர்கள்.

சாரி

நான் மனுஷி தாங்க. நான் மறுபடியும் தவறு செய்வேன். தவறு செய்யாமல் யாரும் இருக்க மாட்டாங்க. நானும் தவறு செய்வேன் அப்ப நீங்க என்னை வச்சு செய்யுங்க. இப்ப நான் செய்தது தப்பு தான், சாரி கேட்டுக் கொள்கிறேன் என்று கஸ்தூரி தெரிவித்துள்ளார்.