முகப்பு

செய்திகள்

சென்னை: ஓ மை கடவுளே திரைப்படம் நேற்று வெளியான நிலையில் சென்னை பாக்ஸ் ஆபிஸில் முதல் நாளில் வசூலித்த தொகை குறித்த தகவல் வெளியாகியுள்ளது.

அசோக் செல்வன் நடிப்பில் காதலர் தினமான நேற்று வெளியான படம் ஓ மை கடவுளே. இதில் அசோக் செல்வனுக்கு ஜோடியாக ரித்திகா சிங் நடித்துள்ளார்.

சின்னத்திரை நடிகையான வாணி போஜன் இந்தப் படத்தின் மூலம் பெரிய திரைக்கும் அறிமுகமாகியிருக்கிறார். ஓ மை கடவுளே படத்தை அறிமுக இயக்குநரான அஸ்வத் மாரிமுத்து இயக்கியுள்ளார்.

இப்படத்திற்கு லியோன் ஜேம்ஸ் இசையமைத்துள்ளார். படம் வெளியான முதல் நாளிலேயே பாஸிட்டிவான விமர்சனங்களை பெற்று வருகிறது.

கர்ணன் மட்டுமல்ல.. மாரி செல்வராஜ் கூட இன்னொரு படமும்.. மாஸ்டர் பிளான் போடும் தனுஷ்!

இதனால் படக்குழுவினர் மகிழ்ச்சியடைந்துள்ளனர். இந்நிலையில் படத்தின் முதல் நாள் வசூல் குறித்த தகவல் வெளியாகியுள்ளது. அதாவது தமிழகம் முழுக்க நேற்று ஒரே நாளில் 1.25 கோடி ரூபாய் வசூலித்துள்ளதாக கூறப்படுகிறது.

சென்னையில் மட்டும் முதல் நாளில் 22 லட்சம் ரூபாய் வசூலித்துள்ளதாகவும் கூறப்படுகிறது. நான் சிரித்தால் மற்றும் ஓ மை கடவுளே படங்கள் மட்டுமே நேற்று ரிலீசான நிலையில் வார இறுதி நாட்களிலும் படம் நல்ல வசூலை குவிக்கும் என எதிர்பார்க்கப்படுகிறது.