“சர்கார்” கம்மிங் சூன்... விஜய் படத்துக்கு இப்படியும் ஒரு புதுப்பிரச்சினை!

தமிழ் ராக்கர்ஸ்:

தமிழ் சினிமாவிற்கு பெரிய தலைவலியாக இருப்பது தமிழ் ராக்கர்ஸ் தான். முன்பெல்லாம் திரைக்கு வந்த புதிய படங்களை ஒரு சில நாட்களில் இணையத்தில் திருட்டுத்தனமாக பதிவேற்றம் செய்து, திரையரங்க வசூலுக்கு பெரும் தடையாக இருந்து வந்தனர். இந்த தளத்தை தடை செய்ய பல முயற்சிகள் தயாரிப்பாளர் சங்கம் சார்பில் நடந்தாலும், அப்படி எதுவும் இதுவரை நடக்கவில்லை.

புதிய படங்கள்:

சமீபகாலமாக முக்கிய நடிகர்களின் படங்களை ரிலீசுக்கு முன்பே இணையத்தில் வெளியிடுவோம் என மிரட்டி வருகிறது தமிழ் ராக்கர்ஸ். அப்படியாக சில படங்களையும் அவர்கள் வெளியிட்டனர்.

எச்.டி. பிரிண்ட்:

இந்நிலையில், சர்கார் படத்திற்கும் அதே போன்ற ஒரு அறிவிப்பை வெளியிட்டு இருக்கிறது தமிழ்ராக்கர்ஸ் இணையதளம். அதாவது, நவம்பர் 6ம் தேதி திரைக்கு வரும் முன்பே சர்கார் படத்தை முதல் நாளே வெளியிடுவோம் என சவால் விட்டுள்ளனர். அதுவும் எச்.டி. பிரிண்டில் படம் வெளியிடப்படும் என தமிழ் ராக்கர்ஸ் டிவீட்டில்தெரிவிக்கப்பட்டுள்ளது.

அதிர்ச்சி:

இது ரசிகர்கள் மற்றும் படக்குழுவினர் மத்தியில் அதிர்ச்சியை ஏற்படுத்தியுள்ளது. விஜய் ரசிகர்கள் பலரும் தமிழ் ராக்கர்ஸ் இணையதளத்தை அழிக்க நடவடிக்கை எடுக்குமாறு கூறி வருகின்றனர்.