இன்னும் 14 நாட்கள் தான் இருக்கு...மீனா வீட்டில் இப்படியொரு தாங்க முடியாத சோகம்

மீனாவின் கணவர் மரணம்

இந்நிலையில் நேற்று மாலை அவரது கணவர் வித்யாசாகர் திடீரென உடல்நலக்குறைவால் உயிரிழந்துள்ளார். கொரோனாவிற்கு பிந்தைய பாதிப்புகளால் நுரையீரல் பாதிக்கப்பட்டு, சிகிச்சை பெற்று வந்துள்ளார் வித்யாசாகர். கடந்த சில நாட்களாக அவரது உடல்நிலை மோசமடைந்ததை அடுத்து சென்னை தனியார் மருத்துவமனையில் அனுமதிக்கப்பட்டு சிகிச்சை பெற்று வந்துள்ளார்.

இது தான் மரணத்திற்கு காரணமா

டாக்டர்கள் அறிவுறுத்தலின் பேரில் நுரையீரல் மாற்று அறுவை சிகிச்சை செய்ய ஏற்பாடுகள் செய்து வந்துள்ளனர். ஆனால் அதற்குள் அவரது உடல்நிலை மோசமடைந்து, ஆபத்தான நிலைக்கு சென்றதால் அவருக்கு தீவிர சிகிச்சை அளிக்கப்பட்டு வந்துள்ளனர். இந்நிலையில் சிகிச்சை பலனின்றி நேற்று மாலை வித்யாசாகர் உயிரிழந்துள்ளார்.

பிரபலங்கள் நேரில் அஞ்சலி

ரஜினிகாந்த், சரத்குமார், பிரபுதேவா, ரம்பா, விஷால் உள்ளிட்ட பிரபலங்கள் பலரும் நேரிலும், சோஷியல் மீடியாவில் இரங்கல் தெரிவித்து வருகின்றனர். நடிகர் ரஜினிகாந்த் நேற்று போனில் மீனாவை தொடர்பு கொண்டு ஆறுதல் கூறிய நிலையில், இன்று நேரில் வந்து வித்யாசாகரின் உடலுக்கு அஞ்சலி செலுத்தி உள்ளார். தமிழக அரசின் சார்பில் முன்னாள் சுகாதாரத்துறை செயலாளர் ராதாகிருஷ்ணன் ஐஏஎஸ் நேரில் வந்து ஆறுதல் கூறி உள்ளார்.

இன்னும் 14 நாட்கள் தான் இருக்கு

வித்யாசாகருக்கும், மீனாவிற்கும் 2009 ம் ஆண்டு ஜுலை 12 ம் தேதி திருமணம் நடைபெற்றது. திருமணம் முடிந்து 13 ஆண்டுகள் நிறைவடைந்து 14வது ஆண்டில் அடியெடுத்து வைக்க உள்ளனர். இவர்களின் திருமண நாளுக்கு இன்னும் 14 நாட்கள் தான் உள்ளது. இந்த சமயத்தில் இப்படி ஒரு தாங்க முடியாத சோகம் நிகழ்ந்துள்ளது அனைவரையும் கலங்க வைத்துள்ளது.

கலங்க வைக்கும் மீனாவின் போஸ்ட்

இந்நிலையில் கடந்த ஆண்டு திருமண நாளன்று, தங்களின் திருமண வரவேற்பு போட்டோ ஒன்றை சோஷியல் மீடியாவில் பகிர்ந்த மீனா, நீங்கள் என் வாழ்க்கையில் வானவில் போல் வந்தீர்கள். நீங்கள் வந்த பிறகு வாழ்க்கையே கலர்ஃபுல்லாகி விட்டது என குறிப்பிட்டிருந்தார். மீனாவின் இந்த பழைய போஸ்ட்டை குறிப்பிட்டு ரசிகர்கள் பலர் சோகத்துடன் கமெண்ட் செய்து வருகின்றனர்.