“ஒரே ஒரு மொக்க ராஜா” – சிரிக்காதீங்கா இது படத்தோட பேருங்க!

ரஞ்சித் முக்கிய வேடத்தில்:

ஸ்ரீரக்‌ஷா சில மலையாளப் படங்களில் நாயகியாக நடித்திருக்கிறார். முக்கியவேடத்தில் ரஞ்சித் நடிக்கிறார். வில்லனாக சாகர் என்ற புதுமுகம் அறிமுகமாகிறார்.

நடிகர்கள் பட்டாளம்:

தலைவாசல் விஜய், வனிதா, பாலாசிங், நான்கடவுள் ராஜேந்திரன் மயில்சாமி விஜய்கணேஷ், நெல்லை சிவா, வெங்கட்ராவ், சிவசநாராயண மூர்த்தி, சிசர்மனோகர், இந்திரன், அம்பிகாமோகன், எம்.ஆர்.கோபகுமார் ஆகியோரும் நடித்துள்ளார்கள்.

இசை, இயக்கம், ஒளிப்பதிவு:

என். ஐயப்பன் ஒளிப்பதிவு செய்யும் இந்தப் படத்திற்கு சுமன்பிச்சு இசையமைக்கிறார். கதை, திரைக்கதை எழுதி இயக்குகியுள்ளார் சந்தோஷ் கோபால்.

விஐபி “ஹீரோ”:

வேலை வெட்டி இல்லாமல் இருக்கும் கதாநாயகன் சஞ்சீவ்முரளி ஊரில் தாதாவாகத் திரியும் வில்லனுடன் நட்பு பாராட்ட நினைக்கிறார். அதனால் தனக்கு மிகப் பெரிய அந்தஸ்து ஏற்படும் என்று நினைத்து வில்லனுடன் பழகுகிறார்.

வாழ்க்கையை சிதைக்கும் கூடா நட்பு:

கூடா நட்பு கேடாய் முடியும் என்பது போல் இந்நட்பினால் கதாநாயகனின் குடும்பம் சந்திக்கும் பிரச்சனைகள் தான் படத்தின் கதையாம்.