Don't Miss!
- News சினிமா சூட்டிங் போல் மாஸ்! ஆந்திராவை அலற விட்ட பவன் கல்யாண்! வேட்புமனு தாக்கலுக்கே இப்படி பில்டப்பா?
- Technology வீட்டுக்கு 1 வாங்குவீங்க.. 8GB மெமரி.. 50W சினிமாட்டிக் சவுண்ட்.. இரண்டு 4K டிவிகளை அறிமுகம் செய்த VU..
- Automobiles ராயல் என்பீல்டு, ஹோண்டா பைக்கை ஓட்டி ஓட்டி போரடிச்சு போச்சா.. இந்தியாவில் கால் தடம் பதிக்கிறது புதிய பிராண்டு!
- Finance அட்சய திருதியை-க்கு தங்க நகை வாங்கப் போறீங்களா.. இந்த தவறை மட்டும் செஞ்சிடாதீங்க!
- Sports இப்படி தான் சிக்சர் அடிக்கனும்.. இளம் அதிரடி வீரருக்கு சொல்லி கொடுத்த தோனி.. கவனித்த ஜடேஜா
- Lifestyle 1 கப் ரேசன் அரிசி வெச்சு ஈவ்னிங் டைம்-ல இப்படியொரு ஸ்நாக்ஸ் செய்யுங்க.. அட்டகாசமா இருக்கும்..
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
பா.ஜ.க-வினரின் அடுத்த டார்கெட் விஜய் சேதுபதி... - 'ராமன் நல்லவனா..' வசனத்தால் பெரும் சர்ச்சை!
Recommended Video
சென்னை : விஜய் சேதுபதி, கௌதம் கார்த்திக் ஆகியோர் நடித்திருக்கும் 'ஒரு நல்லநாள் பாத்து சொல்றேன்' படத்தின் டீசர் சமீபத்தில் வெளியானது.
ஆறுமுக குமார் இயக்கிய இந்தப் படத்தின் டீசரில், ராமாயணத்தில் வரும் ராமன் மற்றும் ராவணனைப் பற்றிய வசனங்கள் இடம்பெற்றுள்ளன.
ராமனைப் பற்றிய வசனத்தால் பா.ஜ.க ஆதரவாளர்கள் விஜய் சேதுபதி படத்தைப் புறக்கணிக்க வேண்டும் எனவும், படத்தை வெளியிடக்கூடாது எனவும் கோரி வருகின்றனர்.
ஒரு நல்ல நாள் பாத்து சொல்றேன்
விஜய் சேதுபதி பல கெட்டப்புகளில் வரும் 'ஒரு நல்ல நாள் பாத்து சொல்றேன்' படத்தில் காயத்ரி நடித்துள்ளார். சிரஞ்சீவி குடும்பத்தைச் சேர்ந்த நடிகை நிஹாரிகாவும் இப்படத்தில் முக்கிய வேடத்தில் நடிக்கிறார்.
ஒரு நல்ல நாள் பாத்து சொல்றேன் டீசர்
சமீபத்தில் வெளியாகியுள்ள இந்தப் படத்தின் டீசரில் 'ராமன் நல்லவனா, ராவணன் நல்லவனா... என விஜய் சேதுபதி வசனம் பேசுவது இடம்பெற்றிருக்கிறது. இது ரசிகர்கள் மற்றும் திரையுலகினர் மத்தியில் பெரும் பரபரப்பை ஏற்படுத்தியது.
ராமன் கடவுளா
"ராவணன் சீதையைத் தூக்கிட்டு வந்து கைபடாம பத்திரமா வெச்சுருந்தானா.. அவனை நாம அரக்கன்னு சொல்றோமா... ராமன் சீதையைக் காப்பாத்தி கொண்டுபோய் அவளைச் சந்தேகத் தீயில போட்டு எரிச்சானா... அவன நாம கடவுள்னு சொல்றோமா..." என வசனம் பேசியிருக்கிறார் விஜய் சேதுபதி.
ராமன் மீது அவதூறு
ராமனும் நான் தான் ராவணனும் நான் தான் என மிரட்டலாகச் சொல்கிறார் விஜய் சேதுபதி. ராமனை தவறாகச் சித்தரிப்பது போல இந்த வசனம் இருப்பதாக டீசர் வெளிவந்தபோதே பலர் கருத்து தெரிவித்திருந்தனர்.
பா.ஜ.க-வினர் எதிர்ப்பு
இந்நிலையில், பா.ஜ.க ஆதரவாளர்களின் சமூக வலைதள பக்கங்களில், ராமனை அவமதிக்கும் வகையில் வசனங்களைப் பேசும் விஜய் சேதுபதியின் படங்களை புறக்கணிக்க வேண்டும் என்பது போன்ற செய்திகள் பகிரப்பட்டு வருகின்றன.
அடுத்த டார்கெட் விஜய் சேதுபதி
அரசைப் பற்றிய விமர்சனங்கள் வசனங்களாக வந்தாலே படத்திற்கு கடும் எதிர்ப்புகள் வரும் நிலையில், ஆளும் கட்சியினரின் நம்பிக்கைக்கு எதிரான இந்த வசனத்தால் பெரிய பஞ்சாயத்து கிளம்பப்போவது மட்டும் உறுதியாகத் தெரிகிறது. இது படத்திற்கு சாதகமாக அமையுமா என்பதை பொறுத்திருந்துதான் பார்க்கவேண்டும்.