Oscars 2025 LIVE: கண்ணா ரெண்டு லட்டு தின்ன ஆசையா?.. டூன் பார்ட் 2, அனோரா, எமிலியா பரேஸ் அசத்தல்!

5 ஆஸ்கர் விருதுகள் வென்ற அனோரா

சிறந்த படத்துக்கான விருதையும் அனோரா திரைப்படம் வென்றது. 2025ம் ஆண்டு ஆஸ்கர் விருது விழாவில் எமிலியா பெரேஸ், தி சப்ஸ்டன்ஸ் உள்ளிட்ட படங்கள் அதிக விருதுகளை அள்ளும் என எதிர்பார்க்கப்பட்ட நிலையில், ஷான் பேக்கர் இயக்கிய அனோரா திரைப்படம் 5 ஆஸ்கர் விருதுகளை வென்று அசத்தல்.

சிறந்த நடிகை -

சிறந்த நடிகைக்கான ஆஸ்கர் விருதை அனோரா படத்துக்காக நடிகை மைக்கி மேடிசன் வென்றார். எம்மா ஸ்டோன் இந்த அறிவிப்பை வெளியிட்டுள்ளார். உலகளவில் ரசிகர்கள் தி சப்ஸ்டன்ஸ் படத்தில் நடித்த டெமி மூருக்கு கிடைக்கும் என எதிர்பார்க்கப்பட்ட நிலையில், அவருக்கு விருது கிடைக்கவில்லை. அனோரா திரைப்படம் 4 ஆஸ்கர் விருதுகளை வென்றது.

3 விருதுகளை வென்ற சிறந்த இயக்குநர்

சிறந்த திரைக்கதை, சிறந்த படத்தொகுப்பு மற்றும் சிறந்த இயக்கம் என அனோரா படத்துக்காக 3 ஆஸ்கர் விருதுகளை இயக்குநர் ஷான் பேக்கர் வென்றார். படங்களை ஓடிடிக்கு என்று எடுக்காமல் பெரிய திரைக்காக எடுங்கள் என்றும் குழந்தைகளை பெற்றோர்கள் தியேட்டருக்கு அழைத்து வந்து படம் பாருங்க என்றும் கோரிக்கை விடுத்தார்.

சிறந்த நடிகர் - ஆட்ரியன் ப்ரோடி

ஆஸ்கர் 2025ல் சிறந்த நடிகருக்கான ஆஸ்கர் விருதை தி ப்ரூட்டலிஸ்ட் படத்துக்காக நடிகர் ஆட்ரியன் ப்ரோடி வென்றார்.

தி சப்ஸ்டன்ஸ் நடிகை மார்கரேட் குவாலி ஜேம்ஸ் பாண்ட் தீம் பாடலுக்கு நடனமாடி அசத்தினார். ஆஸ்கர் விருது விழாவில் ரசிகர்கள் மற்றும் பிரபலங்களின் கண்ணெல்லாம் அவர் மீதுதான்.

2 முறை ஆஸ்கர் வென்ற நடிகை எம்மா ஸ்டோன் கவர்ச்சி உடையில் கலந்துக் கொண்டு ஆஸ்கர் விருது விழாவையே அலங்கரித்தார்.

சிறந்த ஒரிஜினல் ஸ்கோர்

சிறந்த ஒரிஜினல் ஸ்கோர் இசைக்கான விருதை தி ப்ரூட்டலிஸ்ட் படத்தின் இசையமைப்பாளர் டேனியல் பிளம்பெர்க் வென்றார்.

சிறந்த சர்வதேச திரைப்பம்

சிறந்த சர்வதேச திரைப்படத்துக்கான ஆஸ்கர் விருதை பிரேஸில் நாட்டின் I'm Still Here திரைப்படம் வென்றது. அந்த படத்தின் இயக்குநர் வால்டர் சலேஸ் விருதை வென்றார்.

சிறந்த ஒளிப்பதிவு

சிறந்த ஒளிப்பதிவுக்கான ஆஸ்கர் விருதை தி ப்ரூட்டலிஸ்ட் (The Brutalist) படம் வென்றது. தி ப்ரூட்டலிஸ்ட் படத்தின் ஒளிப்பதிவாளர் லால் கிராவ்லி (Lol Crawley) ஆஸ்கர் விருதை வென்றார்.

சிறந்த ஒளிப்பதிவு

சிறந்த ஒளிப்பதிவுக்கான ஆஸ்கர் விருதை தி ப்ரூட்டலிஸ்ட் (The Brutalist) படம் வென்றது. தி ப்ரூட்டலிஸ்ட் படத்தின் ஒளிப்பதிவாளர் லால் கிராவ்லி (Lol Crawley) ஆஸ்கர் விருதை வென்றார்.

டூன் பார்ட் 2வுக்கு 2 ஆஸ்கர் விருதுகள்

சிறந்த சவுண்ட் மற்றும் சிறந்த விஷுவல் எஃபெக்ட்ஸ் என இரு ஆஸ்கர் விருதுகளை டூன் பார்ட் 2 படம் வென்றது.

டூன் பார்ட் 2வுக்கு ஆஸ்கர் விருது

சிறந்த இசைக்கான (Sound) விருதினை Dune Part 2 வென்றது.

சிறந்த ஆவணப்படம்

சிறந்த ஆவணப்படத்துக்கான ஆஸ்கர் விருதை No Other Land படம் வென்றது.

சிறந்த ஆவண குறும்படம்

ஆஸ்கர் விருது விழாவில் சிறந்த ஆவண குறும்படத்துக்கான ஆஸ்கர் விருதை The Only Girl In The Orchestra திரைப்படம் வென்றது.

சிறந்த தயாரிப்பு

2025ம் ஆண்டு ஆஸ்கர் விருது விழாவில் சிறந்த தயாரிப்புக்கான ஆஸ்கர் விருதை விக்கட் (Wicked) திரைப்படம் வென்றது. டூன் பார்ட் 2 வெல்லும் என பலரும் எதிர்பார்க்கப்பட்ட நிலையில், விக்கட் திரைப்படம் வென்றுள்ளது.

அவதார் ஹீரோயினுக்கு ஆஸ்கர் விருது

எமிலியா பரேஸ் படத்துக்காக சிறந்த துணை நடிகைக்கான விருதை அவதார் படத்தில் ஹீரோயினாக நடித்த ஜோ சல்டானா வென்றுள்ளார். ஆஸ்கர் விருதை வாங்கியதும் கண்கலங்கி அவர் உருக்கமாக பேசியது ரசிகர்களை உருக வைத்தது.

சிறந்த படத்தொகுப்பு

சிறந்த படத்தொகுப்புக்கான ஆஸ்கர் விருதை அனோரா படத்திற்காக அதன் படத்தொகுப்பாளர் மற்றும் இயக்குநர் சீன் பேக்கர் வென்றார்.

ஆஸ்கர் விருது விழாவில் ஜேம்ஸ் பாண்டு படங்களின் அணிவகுப்பு!

ஆஸ்கர் வின்னரும் ஜேம்ஸ் பாண்ட் பட ஹீரோயினுமான ஹாலி பெர்ரி ஆஸ்கர் மேடையில் ஜேம்ஸ் பாண்ட் படங்களை புகழ ஏகப்பட்ட ஜேம்ஸ் பாண்ட் படங்களின் ஏவி திரையிடப்பட்டது. அதன் பின்னர் சப்ஸ்டன்ஸ் பட நடிகை மார்கரேட் குவாலி மேடைக்கு வந்து ஜேம்ஸ் பாண்ட் தீமில் ஆட்டம் போட்டு ரசிகர்களை குஷிப்படுத்தினார்.

தி சப்ஸ்டன்ஸ் படத்துக்கு முதல் விருது

சிறந்த மேக்கப் அண்ட் ஹேர்ஸ்டைல் பிரிவில் தி சப்ஸ்டன்ஸ் திரைப்படம் முதல் ஆஸ்கர் விருதை வென்றது. 2025 ஆஸ்கர் விருது விழாவில் பல்வேறு பிரிவுகளில் இந்த படம் நாமினேட் செய்யப்பட்டுள்ளது குறிப்பிடத்தக்கது.

சிறந்த தழுவல் திரைக்கதை

சிறந்த தழுவல் திரைக்கதைக்கான ஆஸ்கர் விருதை கான்கிளேவ் (Conclave) திரைப்படத்துக்காக பீட்டர் ஸ்ட்ராகன் (Peter Straughan) வென்றார்.

சிறந்த ஒரிஜினல் திரைக்கதை

சிறந்த ஒரிஜினல் திரைக்கதைக்கான விருதை அனோரா திரைப்படம் வென்றது. சீன் பேக்கர் (Sean Baker) விருதை வென்றார்.

ஆடம் சாண்ட்லர் அலப்பறை

ஆஸ்கர் விருது விழா தொடங்கியதுமே ஹாலிவுட் நடிகர் ஆடம் சாண்ட்லர் ஹூடி அணிந்துக் கொண்டு செம கேஷுவலாக பேசி நிகழ்ச்சியை அலப்பறையுடன் ஆரம்பித்து வைத்தார்.

முதல் கறுப்பின மனிதனாக இந்த விருதை வென்றேன்

ஆஸ்கர் விருது விழாவில் சிறந்த ஆடை வடிவமைப்பாளருக்கான விருதை Wicked படத்தின் ஆடை வடிவமைப்பாளர் பால் தேஸ்வெல் (Paul Tazewell) வென்றார். இந்த ஆஸ்கர் விருதை வெல்லும் முதல் கறுப்பின மனிதன் நான் தான் என உணர்ச்சிப்பூர்வமாக சொல்ல ஒட்டுமொத்த அரங்கமே எழுந்து நின்று கைதட்டியது. A Complete Unknown, Conclave, Gladiator II, Nosferatu உள்ளிட்ட படங்கள் நாமினேஷனில் போட்டியிட்டன.

இந்தியர்களுக்கு வாழ்த்து

ஆஸ்கர் தொகுப்பாளர் கோனன் ஓ பிரையன் ஆஸ்கர் விருது விழாவை கண்டுகொண்டிருக்கும் இந்தியர்களுக்கு வாழ்த்துகள் என்றார். இந்தியர்கள் அதிகாலையில் பிரேக்ஃபாஸ்ட் உடன் ஆஸ்கர் விருது விழாவை காண்பார்கள் என்றார்.

குவியும் பாராட்டுக்கள்

In the Shadow of Cypress அனிமேஷன் குறும்படத்துக்கு பாராட்டுக்கள் குவிந்து வருகின்றன.

சிறந்த அனிமேஷன் குறும்படம்

In the Shadow of Cypress திரைப்படம் சிறந்த அனிமேஷன் குறும்படத்துக்கான ஆஸ்கர் விருதை வென்றது.

சிறந்த அனிமேஷன் திரைப்படம்

Flow எனும் அனிமேஷன் திரைப்படத்துக்கு ஆஸ்கர் விருது வழங்கப்பட்டுள்ளது.

Inside Out 2, Memoir of a Snail, Wallace & Gromit: Vengeance Most Fowl, The Wild Robot உள்ளிட்ட படங்களுடன் போட்டி போட்டு ஆஸ்கர் விருதை வென்றது.

சிறந்த துணை நடிகர்

சிறந்த துணை நடிகர் விருதை A Real Pain படத்துக்காக Kieran Culkin பெற்ற மகிழ்ச்சியில் மேடையேறி உணர்ச்சி பொங்க பேசி மகிழ்ந்தார். அவருக்கு ஹாலிவுட் ரசிகர்கள் மட்டுமின்றி உலகளவில் ரசிகர்கள் வாழ்த்துகளை தெரிவித்து வருகின்றனர்.

ஆஸ்கர் விருது விழாவில் அயன்மேன்

ஆஸ்கர் விருது விழாவில் சிறந்த துணை நடிகர் விருதை அறிவிக்க அயன்மேன் நடிகர் ராபர்ட் டவுனி ஜூனியர் மேடையேறினார். A Real Pain படத்துக்காக Kieran Culkin சிறந்த துணை நடிகருக்கான விருதை வென்றார் என அறிவித்து அவருக்கு ஆஸ்கர் விருதை வழங்கினார்.

ஆஸ்கர் விருது விழா தொடங்கியது

நடிகர் கோனன் ஒ பிரையன் ஆஸ்கர் விருது விழாவை தொகுத்து வழங்கி வருகிறார்.

அசத்தல் நடனம்

நடிகைகள் அரியானா கிராண்டே மற்றும் சிந்தியா எரிவோ 'தி விஸார்ட் ஆஃப் ஓஸ்' திரைப்படத்தின் 'சம்வேர் ஓவர் தி ரெயின்போ' பாடலுக்கு நடனமாடினர்.

97வது ஆஸ்கர் விருது விழா ரெட் கார்ப்பெட் நிகழ்ச்சியுடன் தொடங்கியது

பிரபல ஹாலிவுட் நடிகைகள் மற்றும் நடிகர்கள் கண்கவர் உடைகளை அணிந்துக் கொண்டு ஆஸ்கர் விருது விழாவின் ரெட் கார்ப்பெட்டை அலங்கரித்து வருகின்றனர். ஹாலிவுட் நடிகை ஹால்லெ பெர்ரியின் கவர்ச்சி உடை ரசிகர்களை கவர்ந்துள்ளது.