விஜய் படத்தில் நடிக்க மறுத்த ஓவியா... அந்த வாய்ப்பு யாருக்கு போயிருக்கு தெரியுமா?

பிக்பாஸ் ஓவியா

பிக்பாஸ் நிகழ்ச்சியில் கலந்து கொண்டபோது சக போட்டியாளர்கள் ஓவியாவை டார்ச்சர் செய்தும், தனது தனித்துவமான குணத்தால் மக்களின் அனுதாபத்தைப்பெற்றார் ஓவியா. அதுவே அவருக்கு ஆதரவு அலையை ஏற்படுத்தியது.

குவிந்த வாய்ப்புகள்

இந்த வரவேற்பை வைத்து ஓவியாவைப் பட வாய்ப்புகள் தேடி வந்தன. அவற்றில் சம்பளத்தை உயர்த்தி பல படங்களை நிராகரித்த ஓவியா கடைசியில் ராகவா லாரன்ஸ் ஜோடியாக 'காஞ்சனா 3' படத்தில் நடிக்க ஒப்புக்கொண்டார்.

விஜய் 62

இந்நிலையில், ஏ.ஆர்.முருகதாஸ் இயக்கத்தில், விஜய் நடிக்கும் படத்தில் நடிக்க ஓவியாவை அணுகினார்கள். விஜய்யின் 62ஆவது படமாக உருவாக உள்ள இந்தப்படத்தில் 'தீரன்' படத்தில் நடித்த ரகுல் ப்ரீத் சிங் கதாநாயகியாக நடிக்கிறார்.

நடிச்சா ஹீரோயின்

இப்படத்தில் உள்ள முக்கிய வேடம் ஒன்றில் நடிக்க ஓவியாவிடம் பேச்சுவார்த்தை நடத்தப்பட்டது. தன்னிடம் கேட்கப்பட்டது ஹீரோயின் ரோலுக்காக இல்லை என்பதால் நடிக்க மறுத்துவிட்டார் ஓவியா.

ஓவியா இடத்தில் ஜூலியா?

இப்போது ஓவியா நடிக்க மறுத்த கேரக்டரில் 'பிக்பாஸ்' ஜூலி நடிக்க இருப்பதாகக் கூறப்படுகிறது. இந்தத் தகவல் உண்மையானால், இரண்டாவது படத்திலேயே விஜய்யுடன் நடிக்கும் வாய்ப்பை பெற்றிருக்கிறார் ஜூலி.