Click it and Unblock the Notifications
Thangalaan: வேற மாறி.. வேற மாறி.. தங்கலான் படத்தின் புது ரிலீஸ் தேதி.. மகிழ்ச்சியில் ரசிகர்கள்!
சென்னை: பா.ரஞ்சித் இயக்கத்தில் ஞானவேல் ராஜா தயாரிப்பில் விக்ரம் நடித்திருக்கும் தங்கலான் திரைப்படம் பொங்கல் பண்டிகைக்கு வெளியாகும் என ரசிகர்கள் எதிர்பார்த்திருந்த நிலையில், படம் வெளியீடு சில காரணங்களால் தள்ளிப்போனது. தற்போது இந்த படத்தின் ரீலிஸ் தேதியை படக்குழு அதிகாரப்பூர்வமாக அறிவித்துள்ளது.
இப்படத்தில் விக்ரம் உடன் மாளவிகா மோகனன், பார்வதி, பசுபதி உள்ளிட்ட பலர் நடித்துள்ளனர். இப்படத்திற்கு ஜிவி பிரகாஷ் இசையமைத்துள்ளார். தங்கலான் படத்தின் மூலம் முதன்முறையாக பா ரஞ்சித்துடன் இணைந்துள்ளார் ஜிவி பிரகாஷ். இதனை ஸ்டுடியோ கிரீன் நிறுவனத்துடன் இணைந்து பா.ரஞ்சித்தின் நீலம் புரொடக்ஷன் தயாரித்துள்ளது.
தமிழ், தெலுங்கு, இந்தி, மலையாளம், கன்னட மொழிகளில் இந்தப் படம் வெளியாக இருக்கிறது. மிரட்டலான கூட்டணியில் உருவாகும் தங்கலான் திரைப்படன் டீசர் அண்மையில் வெளியாகி படத்தின் மீதான எதிர்பார்ப்பை அதிகரித்துள்ளது.
விக்ரமனின் தங்காலன்: தமிழ் சினிமாவைத்தாண்டி இந்திய சினிமா எதிர் பார்த்துக்கொண்டு இருக்கும் திரைப்படம் தங்கலான். இந்த படத்தின் மீதான கூடுதல் ஹப்புக்கு காரணம் விக்ரமும் ரஞ்சித்தும் கூட்டணி அமைத்துள்ளது தான். ரஞ்சித் எடுக்கும் ஒவ்வொரு திரைப்படமும் மாஸ்டர் பீஸ் திரைப்படங்களாக இருக்கும் என்பதில் சந்தேகமே இல்லை. அந்த வரிசையில் தங்கலான் திரைப்படமும் இருக்கும் என்பது ரசிகர்களின் எதிர்பார்ப்பாக உள்ளது. விக்ரமின் திரைப்பயணத்தில் இந்த திரைப்படம் முக்கியமான படமாக இருக்கும்.
படத்தின் கதை: கேஜிஎஃப்பில் இருந்த பூர்வகுடி தமிழர்களின் வரலாற்றை பேசும் வகையில் உண்மை சம்பவத்தை தழுவி இந்த படத்தின் கதை எடுக்கப்பட்டுள்ளது. தங்கலான் என்றால், ஒடுக்கப்பட்டோர் இனத்தலைவன், ஊர்காவலன், எல்லை வீரன், மக்களின் பாதுகாவலன் என பலவற்றை குறிக்கிறது. இதில், தங்கம் கிடைக்கும் இடம் ஒடுக்கப்பட்ட மக்களின் வசம் இருக்கிறது. இதை அபகரிக்க அதிகாரவர்க்கம் முயற்சி செய்கிறது. இதை ஒடுக்கப்பட்ட மக்கள் எப்படி சமாளித்து எதிர்கொள்கிறார்கள் என்பதுதான் தங்கலான் படத்தின் கதை.
படத்தின் ரிலீஸ் தேதி: இத்திரைப்படம் பொங்கல் பண்டிகைக்கு வெளியாகும் என எதிர்பார்க்கப்பட்ட நிலையில், சிவகார்த்திகேயனின் அயலான், தனுஷின் கேப்டன் மில்லர் போன்ற திரைப்படங்கள் வெளியானதால், ஜனவரி 26 ஆம் தேதி வெளியாகும் என அதிகாரப்பூர்வ அறிவிப்பை வெளியிட்டனர். இருப்பினும், அந்த தேதியில் படத்தை வெளியிட முடியாத சூழல் ஏற்பட்டது. இதன் காரணமாக தங்கலான் படத்தின் வெளியீடு தள்ளி வைக்கப்பட்டது. இதையடுத்து பொங்கல் பண்டிகையை முன்னிட்டு படத்தின் ரிலீஸ் தேதியை படக்குழு வெளியிட்டுள்ளது. படம் வரும் ஏப்ரல் மாதம் வெளியாக உள்ளது.
Continue with Google