சண்டைனு யார் சொன்னா?.சந்தோஷ் நாராயணனுடனான சலசலப்புக்கு பதிலளித்த இயக்குனர் பா ரஞ்சித்!

அறிவு படம் இல்லை

என்ஜாயி எஞ்சாமி பாடலையும் நீயே ஒளி பாடலையும் அடிப்படையாக வைத்து ரோலிங் ஸ்டோன் கட்டுரை வெளிவந்தது. அந்த இதழின் அட்டைப் படத்தில், பாடகி தீ மற்றும் சான் வின்சென்ட் து பாலின் படங்கள் மட்டுமே இடம் பெற்றிருந்தனர்.

பா. ரஞ்சித் அதிருப்தி

இதனால் அதிருப்தி அடைந்த இயக்குநர் பா. ரஞ்சித், ரோலிங் ஸ்டோன் இதழ் அறிவின் போட்டோவை வேண்டுமென்றே புறக்கணிக்கப்பட்டுள்ளதாக கருத்து தெரிவித்து புயலைக் கிளப்பினார். உடனே இதுகுறித்து ஷான் வின்செண்ட் மனம் திறந்தபோதும், சந்தோஷ் நாரயணனும் தீயும் எதுவும் பேசாமல் இருந்தனர். இதையடுத்து சென்னையில் நடைபெற்ற ஒலிம்பியாட் போட்டியிலும் அறிவு கலந்து கொள்ளாதது புயலை கிளப்பியது.

இருவருக்கும் சண்டை

சார்பட்டா பரம்பரை படத்துடன் பா. ரஞ்சித் மற்றும் சந்தோஷ் நாராயணன் கூட்டணியில் பிளவு ஏற்பட்டது. இருவரும் பிரிந்துவிட்டதாக சமூக வலைத்தளங்களில் செய்திகள் வைரலாகின. அதனை உறுதிப்படுத்தும் வகையில், பா. ரஞ்சித்தின் நட்சத்திரம் நகர்கிறது படத்திற்கு தென்மா இசையமைத்துள்ளார். அதேபோல், விக்ரமுடன் இணையும் அடுத்த படத்திற்கு ஜி.வி. பிரகாஷ் கமிட் ஆகியுள்ளார்.

எந்த சண்டையும் இல்லை

இந்நிலையில், ஊடகம் ஒன்றுக்கு பேட்டி அளித்துள்ள பா ரஞ்சித், இருவரும் இணைந்து 5 படங்களில் பணியாற்றியுள்ளோம். வேறு கலைஞர்களோடு பணியாற்றினால் கொஞ்சம் வித்தியாசமாக இருக்கும் என்று நினைத்தேன். அதற்காக நாங்கள் இணைந்து பணியாற்றவே மாட்டோம் என்றில்லை. அந்த அளவுக்கு எங்களுக்குள் எந்தவிதமான சண்டையும் இல்லை. நான் அழைத்தால் சந்தோஷ் நாராயணன் நிச்சயம் பணியாற்றுவார் என்றுதான் நினைக்கிறேன் என பா ரஞ்சித் அந்த பேட்டியில் கூறியுள்ளார்.