தாலி கட்டுனா மட்டும்தான் லவ்வா?அப்போ லவ்வோட வேல்வியூ?நட்சத்திரம் நகர்கிறது டிரைலர் எப்படி இருக்கு?

நட்சத்திரம் நகர்கிறது

இயக்குநர் பா.ரஞ்சித் நட்சத்திரம் நகர்கிறது என்ற படத்தை இயக்கி உள்ளார். இந்த படத்தில் காளிதாஸ் ஜெயராமன் கதாநாயகனாக நடித்து இருக்கிறார். அவருக்கு ஜோடியாக சார்பட்டா பரம்பரை புகழ் துஷாரா விஜயன் கதாநாயகியாக நடித்து இருக்கிறார். இவர்களுடன் படத்தில் கதாநாயகியாக செல்வன், கலையரசன், அரிகிருஷ்ணன் எனப் பலர் நடித்திருக்கின்றனர்.

ஆகஸ்ட் 31ந் தேதி ரிலீஸ்

இரண்டாம் உலகப்போரின் கடைசி குண்டு படத்தின் இசையமைப்பாளர் டென்மா இந்த படத்திற்கு இசை அமைத்து இருக்கிறார். ஒளிப்பதிவாளராக கிஷோர் குமார் இந்த படத்தில் பணியாற்றி இருக்கின்றனர். இந்த படத்தை நீலம் புரோடக்சன் மற்றும் யாழி பிலிம்ஸ் இணைந்து தயாரித்துள்ளது. அதுமட்டும் இல்லாமல் பா ரஞ்சித்தின் மனைவி அனிதா அவர்கள் இந்த படத்தில் நடித்து இருக்கிறார். இப்படம் ஆகஸ்ட் 31ம் தேதி தியேட்டரில் வெளியாகி உள்ளது.

காதல் எப்படி வருகிறது

இந்நிலையில், நட்சத்திரம் நகர்கிறது திரைப்படத்தின் டிரைலர் சற்று முன்வெளியாகி உள்ளது. அதில், காதல் எப்படி வருகிறது. ஒரு பெண்ணையோ ஒரு ஆணையோ பார்த்தவுடன் எப்படி காதல் வருகிறது என்பது குறித்து டீன் ஏஜ் பாய்ஸ் மற்றும் டீன் ஏன் கேள்ஸ் விரிவாக ஆலோசனை செய்வது போல டிரைலர் உருவாகி உள்ளது.

லவ்வோட வேல்வியூ என்ன?

தாலி கட்டுனா மட்டும் தான் நம்ம லவ் கண்டினியூ ஆகும்னா?அப்போ லவ்வோட வேல்வியூ என்ன? அது மட்டுமின்றி பையனும் பையனும், பொண்ணும் பொண்ணும் காதலிக்க கூடாதா? என்ற கேள்வியும் இந்த படத்தில் எழுப்பப்பட்டுள்ளது. மொத்தத்தில் காதல் குறித்து ஒரு வித்தியாசமான பார்வையில் பா ரஞ்சித் இந்த படத்தை உருவாக்கி இருக்கிறார். இந்த படத்திற்கு தணிக்கைக்குழு ஏ சான்றிதழ் கொடுத்துள்ளது.