‘பச்சை விளக்கு’ சிறந்த சமூக விழிப்புணர்வு படம்… சர்வதேச திரைப்பட விழாவில் கிடைத்த அங்கீகாரம்!

பெருமை

மேலும் லண்டனில் CKF சர்வதேச திரைப்பட விழா, இத்தாலியில் நடைபெறும் மிகப்பெரிய சர்வதேச திரைப்பட விழாவான ப்ளாரன்ஸ் (FLERANCE) திரைப்பட விழா, அமெரிக்காவில் கோல்டன் பிக்சர்ஸ் திரைப்பட விழா, சவுத் பிலிம் அண்ட் அர்ட்ஸ் அகடமி விழா மற்றும் பர்ஸ்ட் டைம் பிலிம் மேக்கர்ஸ் விழாவிலும் அதிகாரப்பூர்வ தேர்வாக (Official Selection) கலந்துகொண்டு பெருமை சேர்த்துள்ளது, ‘பச்சை விளக்கு' திரைப்படம்.

அங்கீகாரம்

பெண்களை ஏமாற்றி காதலிப்பது போல நடித்து ஆபாச படம் எடுத்து அதை வைத்து பெற்றோர்களிடம் மிரட்டி பணம் பறிக்கும் கும்பலை தோலுரித்து காட்டும் விழிப்புணர்வு படமாக பச்சை விளக்கு படம் உருவாகி இருந்தது. எந்தவித பிரம்மாண்ட பின்னணியும் இல்லாமல், சாதாரணமாக எடுக்கப்பட்ட ‘பச்சை விளக்கு' படத்துக்கு உலக அளவில் அங்கீகாரம் கிடைத்திருப்பது பெரும் மகிழ்ச்சியாக இருக்கிறது என்று தெரிவித்துள்ளார் இயக்குநர் டாக்டர் மாறன்.

ஜெயிக்கும்

முதல் முயற்சிக்கு கிடைத்திருக்கும் இந்தப் பாராட்டு இன்னும் நல்ல படங்களை தருவதற்கு நம்பிக்கையை ஏற்படுத்தி இருக்கிறது என்று தெரிவித்திருக்கிறார். அது மட்டும் அல்லாமல் சிறிய பட்ஜெட் படங்களுக்கு உலக அளவில் மரியாதை கிடைப்பது அனைத்து கலைஞர்களுக்கும் பெருமை . பட்ஜெட் என்ற ஒன்றை தவிர நல்ல கன்டென்ட் எங்கு இருந்தாலும் ஜெயிக்கும் என்பதற்கு இப்படி சில நல்ல உதாரணங்கள் இருக்க தான் செய்கிறது.

நிதர்சனமான உண்மை

பல புதிய முயற்சிகளை தொடர்ந்து செய்து வரும் தமிழ் சினிமா வல்லுனர்கள் சர்வ தேச அளவில் பலவிதமான புதிய யுக்திகளை பயன்படுத்தி நிறைய சாதனைகள் படைத்து வருகின்றனர் . வெற்றி ஒரு பக்கம் இருந்தாலும் அங்கீகாரம் தான் அனைத்திற்கும் அடையாளமாக இருக்கிறது . இதை நன்கு புரிந்த இயக்குனர்கள் நல்ல படைப்புக்களை உலக தர பட்டியலில் பல விதமான போட்டியில் கலந்து கொண்டு தனி பெருமையை சேர்க்கின்றனர் என்பது தான் நிதர்சனமான உண்மை.