Don't Miss!
- Sports IPL Classics - 2010 சீசன் அரையிறுதியில் CSK வென்றது எப்படி? பலம் வாய்ந்த டெக்கான் அணியுடம் மோதிய கதை
- News வேகும் வெயிலிலும்.. "வெறுப்புக்கு" ஓட்டு போடாதீர்கள் பதாகையுடன்.. தெரு தெருவாக சுற்றும் முதியவர்
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Lifestyle கால்களில் இந்த அறிகுறிகள் தெரியுதா? அப்ப சிறுநீரக நோய் இருக்கு-ன்னு அர்த்தம்.. உஷார்...
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
இன்னொரு ஜாம்பியா? போதும்டா சாமி.. பல்லு படாம பாத்துக்க மோஷன் போஸ்டர் ரிலீஸ்!
சென்னை: இருட்டு அறையில் முரட்டு குத்து படத்துல ஆரம்பிச்ச அடல்ட் ஆட்டம், தமிழ் சினிமாவில் எல்லை மீறிக் கொண்டே போகிறது.
டெம்பிள் மங்கிஸ் புகழ் விஜய் வரதராஜா இயக்கத்தில், அட்டகத்தி தினேஷ், சஞ்சிதா ஷெட்டி நடிப்பில் உருவாகி உள்ள 'பல்லு படாம பாத்துக்கோ' படத்தின் மோஷன் போஸ்டர் தற்போது வெளியாகி டிரெண்டாகி வருகிறது.
கடந்த ஆண்டு பரிதாபங்கள் கோபி, சுதாகர், யோகி பாபு மற்றும் யாஷிகா ஆனந்த் நடிப்பில் ஜாம்பி எனும் படம் வெளியாகி செம்ம மொக்கை வாங்கியது.
ஆதியோகியே காப்பாற்று.. இந்தியன் 2 விபத்து அதிர்ச்சியில் இருந்து மீள இஷா யோகா மையம் சென்ற காஜல்!
மோஷன் போஸ்டர் ரிலீஸ்
இந்நிலையில், டெம்பிள் மங்கிஸ் இயக்குநர் விஜய் வரதராஜா இயக்கத்தில், அட்டகத்தி தினேஷ், சஞ்சிதா ஷெட்டி நடிப்பில் அடுத்த ஜாம்பி படமாக உருவாகி உள்ள பல்லு படாம பாத்துக்கோ படத்தின் மோஷன் போஸ்டர் ரிலீஸ் ஆகி உள்ளது. இன்று மாலை டீசர் ரிலீசாகும் என்ற அறிவிப்புடன் வெளியாகி டிரெண்டாகி வருகிறது.
ஆபாசமான தலைப்புகள்
இந்த மாதிரி எல்லாம் தலைப்பு வைத்து தமிழ் சினிமாவில் படங்கள் வெளியாகும் என்று யாரும் எதிர்பார்த்திருக்க மாட்டார்கள். அந்தளவுக்கு, தற்போது, மிகவும் ஆபாசமான தலைப்புகளுடன் அடல்ட் படங்கள் வெளியாகி வருகின்றன. மேலும், அடல்ட், காமெடி, ஹாரர் என மூன்றையும் மிக்ஸ் பண்ணி, ரசிகர்களை கடுப்பேற்றுகின்றனர்.
டெம்பிள் மங்கிஸ்
பிளாக்ஷிப், புட் சட்னி, பரிதாபங்கள், எருமை சாணி என பல யூடியூப் சேனல்கள், சினிமாவுக்கு என்ட்ரி கொடுத்து வருகின்றனர். இந்நிலையில், தற்போது டெம்பிள் மங்கிஸ் யூடியூப் குழுவில் இருந்து சினிமா இயக்குநராக விஜய் வரதராஜா இந்த படத்தின் மூலம் அறிமுகமாகிறார். டெம்பிள் மங்கிஸ் யூடியூப் வீடியோக்களிலேயே, ஆபாச வசனங்கள் நிறைந்திருக்கும் இப்போ இந்த படம் எப்படி வரப் போகுதோ..
இன்னொரு ஜாம்பி
வெளிநாடுகளில் அடித்து துவைத்த ஜாம்பி படக் கதையை, ஜெயம் ரவி, லக்ஷ்மி மேனன் நடிப்பில் உருவான மிருதன் படத்தின் மூலம் தமிழ் சினிமாவுக்கு கொண்டு வந்தனர். அந்த படம், எதிர்பார்த்த வெற்றியை பெறவில்லை. கடந்த ஆண்டு புவன் நல்லன் இயக்கத்தில், யாஷிகா ஆனந்த், யோகி பாபு நடிப்பில் வெளியான ஜாம்பி படமும் படு தோல்வி அடைந்தது. இந்நிலையில், இன்னொரு ஜாம்பி படமாக இந்த படம் உருவாகி உள்ளது.
அட்டகத்தி தினேஷ்
இரண்டாம் உலகப் போரின் கடைசி குண்டு என்ற அற்புதமான படத்தில் நடித்த நடிகர் தினேஷ், அடுத்ததாக விக்ரம் சுகுமாறன் இயக்கத்தில் தேரும் போரும் என்ற படத்தில் நடிக்கிறார் என்ற அறிவிப்பு நேற்று வெளியாகி பாராட்டுக்களை பெற்றது. இந்நிலையில், தற்போது, பல்லு படாம பாத்துக்கோ படத்தில் தினேஷ் நடித்துள்ளார் என்பது தெரியவந்துள்ளது.
டீசர் ரிலீஸ்
பல்லு படாம பாத்துக்கோ படத்தின் மோஷன் போஸ்டர் வெளியாகி டிரெண்டாகி வருகிறது. மேஜிக் ரேஸ் தயாரிப்பில், விஜய் வரதராஜா இயக்கத்தில், அட்டகத்தி தினேஷ், சஞ்சிதா ஷெட்டி நடிப்பில், உருவாகியுள்ள இந்த படத்தின் டீசர் இன்று மாலை 6 மணிக்கு வெளியாகிறது. நாஜி கொடி, அந்த இடத்தில் டைட்டில் என அடுத்த அடல்ட் ஆட்டத்திற்கு படக்குழு தயாராகி உள்ளது.