Don't Miss!
- News கலக்கிய கள்ளக்குறிச்சி.. அதிகபட்ச வாக்குகள் பதிவு! உற்றுநோக்கும் வேட்பாளர்கள்! கள நிலவரம் என்ன
- Sports உள்ளூர் வீரரை களமிறக்கிய ருதுராஜ்.. இம்பேக்ட் கொடுக்காத சமீர் ரிஸ்வி.. கொஞ்சம் கூட பொறுப்பே இல்ல!
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Lifestyle சப்பாத்திக்கு ஒருடைம் உருளைக்கிழங்கு வெச்சு இப்படி கிரேவி செஞ்சு பாருங்க.. டேஸ்ட் சும்மா அள்ளும்...
- Technology ஆத்தாடி.. ஒரே போனை வைத்து.. இந்தியாவில் சம்பவம் செய்ய பார்க்கும் Samsung.. பட்ஜெட்ல அறிமுகமாகும் புது Mobile..
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
கொரோனாவில் இருந்து மீண்ட பம்மல் கே சம்பந்தம் தாத்தா நடிகர் உன்னிகிருஷ்ணன் நம்பூதிரி காலமானார்
சென்னை: பழம்பெரும் மலையாள நடிகர் உன்னிகிருஷ்ணன் நம்பூதிரி காலமானார். அவருக்கு வயது 98.
சமீபத்தில் கொரோனா நோயால் பாதிக்கப்பட்ட அவர், அதிலிருந்து வெற்றிகரமாக மீண்ட நிலையில், இன்று உடல்நலக் குறைவு காரணமாக காலமானார்.
சந்திரமுகி, பம்மல் கே சம்பந்தம், கண்டுகொண்டேன் கண்டுகொண்டேன் உள்ளிட்ட சில தமிழ் படங்களிலும் ஏராளமான மலையாள திரைப்படங்களிலும் நடித்துள்ளார்.
உயில் தாத்தா
கமல், சிம்ரன் நடிப்பில் வெளியான பம்மல் கே சம்பந்தம் படத்தில் கமலுக்கு தாத்தாவாக நடித்த உன்னிகிருஷ்ணன் நம்பூதிரி கடைசி வரை உயில் உயில் எனக் கூறி நடித்திருப்பார். அதே போல ராஜீவ் மேனனின் கண்டுகொண்டேன் கண்டுகொண்டேன் படத்திலும் உயில் உயில் எனக் கூறியே உயிரை விடும் தாத்தாவாக நடித்து இருப்பார் உன்னிகிருஷ்ணன்.
கொரோனாவுக்கு குட்பை
98 வயதான இரும்பு மனிதர் உன்னிகிருஷ்ணன் நம்பூதிரி கடந்த சில வாரங்களுக்கு முன்னர் நிமோனியா காய்ச்சலால் பாதிக்கப்பட்டு மருத்துவமனையில் அனுமதிக்கப்பட்டார். பின்னர், அதிலிருந்து தப்பித்த அவரை கொரோனா வைரஸ் தாக்கியது. சில நாட்களுக்கு முன்னதாக கொரோனா தொற்றில் இருந்தும் பூரணமாக குணமானார்.
உடலை உருக்கி விடும்
உடலில் வேறு ஏதாவது குறைபாடு இருந்து, கொரோனா தொற்று பரவினால், உடலை முழுவதுமாக அது உருக்கி விட்டுத் தான் செல்லும். எஸ்.பி. பாலசுப்ரமணியம் உள்ளிட்ட பலரும் கொரோனாவில் இருந்து மீண்ட பின்னரும் உயிரிழக்க இதுதான் காரணம் என்கின்றனர் மருத்துவர்கள்.
சிரிப்பு தாத்தா காலமானார்
கல்யாணராமன் படத்தில் சிரிப்பு தாத்தாவாக புகழ்பெற்ற நடிகர் உன்னிகிருஷ்ணன் நம்பூதிரி இன்று உடல் நலக் குறைவு காரணமாக காலமானார். அவருக்கு வயது 98. சமீபத்தில் கொரோனாவை வென்றவர் என்று பலராலும் பாராட்டப்பெற்ற உன்னிகிருஷ்ணன் திடீரென உயிரிழந்த செய்தி சினிமா உலகை சோகத்தில் ஆழ்த்தி உள்ளது.