Parimala & Co Day 1 Box Office - பரிமளா & கோ முதல் நாள் வசூல் தெரியுமா?.. பாக்ஸ் ஆஃபிஸ் நிலைமை என்ன?

சென்னை: பாண்டிராஜ் இயக்கத்தில் உருவாகியிருக்கும் பரிமளா & கோ திரைப்படம் நேற்று திரையரங்குகளில் வெளியானது. படத்தின் ப்ரிவியூ ஷோவிலேயே படத்துக்கு நல்ல விதமான ரெஸ்பான்ஸ் கிடைத்தது. அதன் காரணமாக படக்குழு பெரிய நம்பிக்கையை வைத்திருந்தது. தியேட்டரிலும் ரசிகர்களிடம் பெரும்பாலும் பாசிட்டிவ் விமர்சனத்தையே பெற்றிருக்கிறது. இந்நிலையில் படத்தின் முதல் நாள் வசூல் குறித்த தகவல் வெளியாகியிருக்கிறது.

தமிழில் குடும்ப கதைகளை அதிகம் எடுப்பவர் பாண்டிராஜ். அப்படி அவர் எடுக்கும் படங்களில் சில வெற்றியடையும், சில தோல்வியடையும். ஆனால் அவரது காட்சியமைப்பும், வசனங்களும் பெரிய கவனம் பெற்றுவிடும். கடைசியாக அவர் இயக்கிய தலைவன் தலைவி படம்கூட சூப்பர் டூப்பர் ஹிட்டடித்தது. அவர் இப்போது ஜெயராம், ஊர்வசி, சஞ்சனா, அவந்திகா, சாண்டி மாஸ்டர், மிஷ்கின் என பெரிய நட்சத்திர பட்டாளத்தை வைத்து பரிமளா & கோ திரைப்படத்தை இயக்கியிருக்கிறார்.

Photo Credit:

Lyca

படத்துக்கு ரெஸ்பான்ஸ்: படத்தை ப்ரிவியூ ஷோவில் பார்த்தவர்கள் தங்களது பாசிட்டிவ் ரெஸ்பான்ஸைத்தான் கொடுத்திருந்தார்கள். எப்போதும் போல் இல்லாமல் இந்த முறை தனது ஜானரிலிருந்து வெளியே வந்து வித்தியாசமான ஒரு படத்தை இயக்கியிருக்கிறார் பாண்டிராஜ். ஒரு கொலையால் குடும்பம் என்ன மாதிரியான சிக்கல்களை சந்திக்கிறது என்பதை காமெடி கலந்து சொல்லியிருக்கிறார் என்பது குறிப்பிடத்தக்கது.

Also Read

பேச பேச அழுத சத்யராஜ்.. கொளத்தூரில் ஸ்டாலின் வென்றிருக்கனும்.. எமோஷனல் பேச்சு

பாபநாசம் மாதிரி இல்லை: இதே ஜானரில் பாபநாசம் திரைப்படம் ஏற்கனவே வந்திருக்கிறது. ஆனால் அது மாதிரியே இல்லையென்பதும்; இந்தப் படத்தின் க்ளைமேக்ஸில் சமூகத்துக்கு தேவையான நல்ல கருத்தையும் சொல்ல தவறவில்லை என்பதும் பலரது கருத்து. ப்ரிவியூ ஷோவில் பெற்ற வரவேற்பு மாதிரியே ரசிகர்களிடமும் பெற வேண்டும் என்ற ஆவல் படக்குழுவிடம் இருந்தது. படமானது நேற்று தியேட்டர்களில் ரிலீஸானது.

இங்கே ரெஸ்பான்ஸ் எப்படி?: முதல் நாள் முதல் ஷோ பார்த்த ரசிகர்கள் படம் பார்த்து ஆச்சரியப்பட்டார்கள் என்றுதான் சொல்ல வேண்டும். படத்தில் காமெடி, எமோஷனல் உள்ளிட்ட விஷயங்கள் இருப்பதால் குடும்பம் குடும்பமாக சென்று படம் பார்க்க ஆரம்பித்திருக்கிறார்கள். இதன் காரணமாக படத்துக்கு பெரும்பாலும் பாசிட்டிவ் விமர்சனங்களே முதல் நாளின் முடிவில் வந்திருக்கிறது. அதன் காரணமாக படக்குழுவும் பெரிய நிம்மதியில் இருக்கிறது.

வசூல் நிலவரம் என்ன?: விமர்சன ரீதியாக படம் எதிர்பார்த்த இடத்தை அடைந்துவிட்டது. இருப்பினும் ஒரு படக்குழு முழு நிம்மதியடைவதற்கு வசூல் நிலவரமும் முக்கியம்தான். இந்தப் படத்தின் முதல் நாள் வசூல் குறித்த தகவலை Sacnilk இணையதளம் வெளியிட்டிருக்கிறது. அதன்படி இப்படமானது நேற்று 1.19 கோடி ரூபாய் வசூலித்திருக்கிறதாம்.

மொத்தம் 1,238 ஷோக்கள் திரையிடப்பட்டதாகவும் அந்த இணையதளம் கூறியிருக்கிறது. முதல் நாளே ஒரு கோடி ரூபாய்வரை படம் வசூலித்திருப்பது நல்ல விஷயமே. மேலும் பாசிட்டிவ் பேச்சுக்கள் படத்துக்கு இருப்பதால் இன்னும் கூட்டம் அதிகரிக்கும் எனவே வசூலும் கூடும் என்பது படக்குழுவின் எதிர்பார்ப்பு.