For Quick Alerts
    ALLOW NOTIFICATIONS  
    For Daily Alerts

    'அய்யப்பனும் கோஷியும்' ரீமேக்.. சச்சி விருப்பம் ஈடேற முயன்று பார்க்கிறேன்.. பார்த்திபன் ட்வீட்!

    By
    |

    கொச்சி: மறைந்த இயக்குனர் சச்சி விருப்பம் நிறை வேற முயன்று பார்க்கிறேன் என்று நடிகரும் இயக்குனருமான ஆர். பார்த்திபன் தெரிவித்துள்ளார்.

    மலையாளத்தில் வெளியாகி சூப்பர் ஹிட்டான படம், 'அய்யப்பனும் கோஷியும்'. பிருத்விராஜ், பிஜூ மேனன் நடித்திருந்தனர்.

    பிருத்விராஜ், முன்னாள் ராணுவ வீரராகவும் பிஜூ மேனன் சப் இன்ஸ்பெக்டராகவும் நடித்திருந்தனர்.

    முதல் பட ஷூட்டிங் ஸ்டில்.. ஹாலிவுட் இயக்குனரின் சென்னை ஞாபகம்.. படம் இவ்வளவு நாள்தான் ஓடுச்சாம்!

    லாக்டவுன்

    லாக்டவுன்

    இதை இயக்கியவர் சச்சி என்ற கே.ஆர்.சச்சிதானந்தம். இந்தியா முழுவதும் பரபரப்பாக பேசப்பட்ட படம் இது. இந்தப் படம் தியேட்டரில் ஓடிக்கொண்டிருந்தபோதுதான் லாக்டவுன் அறிவிக்கப்பட்டது. இது தமிழ், தெலுங்கு, இந்தி மொழிகளில் ரீமேக் ஆக இருக்கிறது. தமிழில் இதன் ரீமேக் உரிமையை ஆடுகளம், பொல்லாதவன், ஜிகிர்தண்டா படங்களின் தயாரிப்பாளர் கதிரேசன் வாங்கியுள்ளார்.

    மாரடைப்பு

    மாரடைப்பு

    இந்தியில் இதன் ரீமேக் உரிமையை பிரபல நடிகர் ஜான் ஆபிரஹாம் வாங்கி இருக்கிறார். இந்நிலையில் இடுப்பு மாற்று அறுவைச் சிகிச்சை பெற்று வந்த சச்சி, மாரடைப்பு ஏற்பட்டு நேற்றுமுன் தினம் மரணமடைந்தார். அவரது மறைவு கேரள திரையுலகில் பெரும் அதிர்ச்சியை ஏற்படுத்தி உள்ளது.

    நியாயம் சேர்ப்பார்கள்

    நியாயம் சேர்ப்பார்கள்

    இந்நிலையில் சச்சி, மறைவுக்கு முன் மலையாள இதழ் ஒன்றுக்கு அளித்துள்ள பேட்டி, கேரளாவில் பரபரப்பானது. அந்தப் பேட்டியில், சூப்பர் ஹிட்டான 'அய்யப்பனும் கோஷியும்' படத்தின் தமிழ், இந்தி ரீமேக்கில் இந்தந்த நடிகர்கள் நடித்தால் நன்றாக இருக்கும் என்று தனது விருப்பத்தைத் தெரிவித்துள்ளார். அவர் குறிப்பிட்டிருந்த நடிகர்கள், அந்த கேரக்டர்களுக்கு நியாயம் சேர்ப்பார்கள் என்றும் கூறியுள்ளார்.

    Ayyappanum Koshiyum director Sachy Passed Away | Filmibeat Tamil
    கோஷியாக கார்த்தி

    கோஷியாக கார்த்தி

    'யாரை நடிக்க வைக்க வேண்டும் என்பது அந்த தயாரிப்பாளர்களின் உரிமைதான். இந்தப் படத்தின் தமிழ் ரீமேக்கில், என் சாய்ஸில், கோஷி கேரக்டருக்கு கார்த்தியும் அய்யப்பன் நாயர் கேரக்டருக்கு பார்த்திபனும் பொருந்தமாக இருப்பார்கள். பார்த்திபன் சுவாரஸ்யமான நடிகர். சில வருடங்களாக அவரை ஆழமாகக் கவனித்து வருகிறேன். இந்தப் படத்தின் இந்தி ரீமேக்கில் கோஷியாக, ஜான் ஆபிரஹாமும் அய்யப்பன் கேரக்டருக்கு நானா படேகரும் சரியாக இருப்பார்கள்' என்று தெரிவித்திருந்தார்.

    முயன்று பார்க்கிறேன்

    முயன்று பார்க்கிறேன்

    இந்நிலையில் இந்த செய்தியை கண்ட நடிகரும் இயக்குனருமான ஆர்.பார்த்திபன் அதற்கு பதிலளித்துள்ளர். இதுபற்றி அவர் வெளியிட்டுள்ள ட்வீட்டில், 'அய்யப்பனும் கோஷியும்' பிஜு மேனன் பாத்திரம், நான் நடித்தால் நன்றாக இருக்குமென பலரும் சொன்னார்கள். இயக்குனரே சொல்லியிருக்கிறார்-மகிழும் முன்னரே அவருக்கு RIP சொல்லும் நிலை-நிலைகுலைத்தது. இன்று படத்தை பார்க்கிறேன்.அவர் விருப்பம் ஈடேற முயன்று பார்க்கிறேன். மலையாள நண்பர்கள் ஒத்துழைக்கலாம்' என்று கூறியுள்ளார்.

    English summary
    Parthiban reacts to Ayyappanum Koshiyum director's desire to cast him in its Tamil remake
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more
    X