ஒத்த செருப்பு சைஸ்7… ஹிந்தியும் ஆங்கிலமும் பேச இருக்கிறது.. பார்த்திபனின் சூப்பர் அப்டேட்!

ஒரே ஆளாக

இயக்குநர் பார்த்திபன் எழுதி, இயக்கி, ஒரே ஆளாக நடித்திருந்த திரைப்படம் ஒத்தசெருப்பு சைஸ் 7. இந்தப் படம் கடந்த 2019-ம் ஆண்டு செப்டம்பர் மாதம் வெளியானது. இதன் பின்னணி இசையை இசையமைப்பாளர் சி. சத்யாவும் ஒரு பாடலை சந்தோஷ் நாராயணனும் இசையமைத்துள்ளனர். இந்தப் படத்தை பார்த்திபன் தனது தயாரிப்பு நிறுவனமான, பயோஸ்கோப் பிலிம் ப்ரேமர்ஸின் கீழ் தயாரித்துள்ளார்.

விருதுகளை வென்றது

ஒரு நபரே எழுதி, இயக்கி, நடித்து தயாரித்ததற்காக இந்த படம் ஆசிய சாதனைகள் புத்தகத்திலும் இந்திய சாதனைப் புத்தகத்திலும் இடம் பெற்றுள்ளது. இப்படம் பல சர்வதேச திரைப்பட விழாக்களில் திரையிடப்பட்டு, விருதுகளையும் வென்றது.

2 தேசிய விருது

மேலும், 67-வது தேசிய திரைப்பட விருதுகள் அறிவிப்பு விழாவில் ஸ்பெஷல் ஜூரி விருதையும், சிறந்த ஒலிப்பதிவுக்கான விருதை ரசூல் பூக்குட்டி தட்டிச் சென்றுள்ளது. புதிய முயற்சிகளை மேற்கொள்ளும் பார்த்திபனுக்கு இந்த தேசிய விருது பெரிய உற்சாகத்தை ஏற்படுத்தியுள்ளது.

ஆங்கிலம், இந்தி

இந்நிலையில் ஒத்த செருப்பு திரைப்படத்தை ஆங்கிலம் மற்றும் இந்தியில் உருவாக்க முயற்சி செய்து வருவதாக பார்த்திபன் தனது ட்விட்டர் பக்கத்தில் பதிவிட்டுள்ளார். அதில், என் தமிழ் அழகு, என்னை கூடுதல் அழகாக்குவதும் தமிழ், தட்டுத்தடுமாறி ஆங்கிலமும், தப்பித்தவறி மற்ற மொழிகளும் பேச முயன்றதுண்டு.

67th National Award 2019 | தேசிய விருதுகளை அள்ளிக்குவித்த தமிழ் சினிமா

முஜே நஹி மாலும் ஹே.

ஹிந்தி, முஜே நஹி மாலும் ஹே. ஆனால், ஒத்த செருப்பு ஹிந்தியும் விரைவில் ஆங்கிலமும் பேச இருப்பதால், இரு மொழிகளிலும் அறிவும் ஆற்றலும் நிறைந்த ஒரு Personal Assistant(பால் பாகுபாடில்லை) தேவைப்படுகிறார். ஈடுபாட்டுடன் பணிப்புரிய விரும்புவர்கள் தொடர்பு கொள்ள என பதிவிட்டுள்ளார். இதையடுத்து, ஒத்த செருப்பு திரைப்படம் வெகு விரைவில் ஹிந்தி மற்றும் ஆங்கிலத்தில் வெளியாகும் என்று எதிர்பார்க்கப்படுகிறது.