ஹாலிவுட் நடிகர் பால் வாக்கர் மரணம்... மௌனம் கலைக்கும் தாய் ஷெரில் வாக்கர்!

கடைசி பாகம்

பிரியன் ஓ கான்னர் என்ற அவருடைய ஃபாஸ்ட் அண்ட் ப்யூரியஸ் பட கதாபாத்திரத்தின் மீது ஏற்பட்ட பிரியத்தினால் சிலர் குழந்தைகளுக்கே அந்த பெயரை வைத்தனர். இறப்பதற்கு முன்பு அவர் நடித்த ஃபாஸ்ட் அண்ட் ப்யூரியஸ் திரைப்படத்தின் 7வது பாகம் 2015 ஆம் ஆண்டு ரிலீசானபோது உயிருடன் இல்லாத பால் வாக்கரை நினைத்து உருகினார்கள் ஹாலிவுட் ரசிகர்கள்.

ஷெரில் வாக்கர்

பால் வாக்கர் இறந்து ஐந்துவருடங்கள் நெருங்கும் வேளையில், அவரின் இறப்பு குறித்து சில விஷயங்களை பகிர்ந்துள்ளார் பால்வாக்கரின் தாய், ஷெரில் வாக்கர்.

கிறிஸ்துமஸ் கொண்டாட்டம்

பால் வாக்கர் விபத்தில் சிக்குவதற்கு முன்பு, அவருடைய 15 வயது மகள் மீடோவ்வுடன் கிறிஸ்துமஸ் கொண்டாட தயாராகிக்கொண்டிருந்தாராம். அவர் விபத்தில் இறந்த நவம்பர் 30ஆம் தேதி, பால் வாக்கரின் தொண்டு நிறுவன நிகழ்வு இருந்துள்ளது.

மறதி

அந்த நிகழ்வை மறந்துபோன பால் வாக்கர், நான் அந்த நிகழ்வில் பங்கேற்க வேண்டும். மறந்துவிட்டேன்... என அவசரமாக மெஸ்சேஜ் அனுப்பிவிட்டு சென்ற மகன் திரும்பி வரவில்லை என கண்ணீர் மல்க கூறியுள்ளார்.

அதிவேகம்

2013 ஆம் ஆண்டு நவம்பர் 30 ஆம் தேதி நண்பர் ரோஜர் ரோடஸுடன் காரில் சென்றுள்ளார் பால் வாக்கர். சீக்கிரமாக தொண்டு நிறுவன நிகழ்வுக்கு செல்லவேண்டும் என்பதால் வேகமாக காரை இயக்கியுள்ளார் ரோஜர். அப்போது அதிவேகமாக சென்ற போர்ஷே கார் கட்டுப்பாட்டை இழந்து மரத்தில் மோதி தீப்பிடித்தது. இந்த விபத்தில் இருவருமே உயிரிழந்தனர்.

ஐ ஆம் பால்வாக்கர்

பால் வாக்கரின் பணியை சிறப்பிக்கும் விதமாக பாரமவுண்ட் பிச்சர்ஸ், "ஐ ஆம் பால் வாக்கர்" என்ற ஆவணப்படத்தை தயாரித்துள்ளது. இப்படம் இம்மாத இறுதியில் வெளியாக உள்ளது.