Click it and Unblock the Notifications
Box office: புஷ்பா 2 ப்ரீமியர் வசூலை முந்த முடியாமல் திணறிய பவன் கல்யாணின் ஹரி ஹர வீர மல்லு!
பவர் ஸ்டார் பவன் கல்யாண் நீண்ட இடைவெளிக்குப் பிறகு நடித்த 'ஹரிஹர வீர மல்லு திரைப்படம் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. பவன் கல்யாண் படம் என்றாலே பாக்ஸ் ஆபிஸ் அதிரும் என்பது அனைவரும் அறிந்ததே. படம் வெற்றி பெற்றாலும், தோல்வி அடைந்தாலும், பவன் கல்யாணின் படங்களுக்கு ஓப்பனிங் எப்போதும் பிரமாண்டமாக இருக்கும். இதனால் 'ஹரிஹர வீர மல்லு' திரைப்படம் பவன் கல்யாணுக்கு எந்த மாதிரியான சாதனைகளை கொடுக்கும் என்று திரையுலகினர் ஆர்வமாக உள்ளனர்.
பிரபாஸ் நடித்த 'பாகுபலி' திரைப்படம் இந்திய பாக்ஸ் ஆபிஸில் மிகப்பெரிய சாதனையை படைத்தது. அந்தப் படத்தின் வசூல் சாதனையை முறியடிப்பது கடினம் என்ற நிலையை ராஜமௌலி உருவாக்கினார். ஆனால் அல்லு அர்ஜுன் நடித்த 'புஷ்பா' திரைப்படம் அந்த எதிர்பார்ப்பை பொய்யாக்கியது. எந்தவித எதிர்பார்ப்பும் இல்லாமல் வெளியான 'புஷ்பா' முதல் பாகம் பாக்ஸ் ஆபிஸில் சுமார் 400 கோடி ரூபாய் வசூல் செய்தது. 'புஷ்பா' இரண்டாம் பாகம் சுமார் 1870 கோடி ரூபாய்க்கு மேல் வசூல் செய்து 'பாகுபலி 2' படத்தின் சாதனையை முறியடித்தது.
பிரம்மாண்ட சாதனை: 'புஷ்பா 2' திரைப்படம் பல புதிய சாதனைகளை படைத்தது. குறிப்பாக, வெளியீட்டிற்கு முந்தைய வியாபாரம், ஆடியோ உரிமை, ஒளிபரப்பு உரிமை, ஓடிடி உரிமை உள்ளிட்ட அனைத்து வியாபாரங்களிலும் புதிய உச்சத்தை தொட்டது. அதுமட்டுமின்றி, முன்பதிவு, டிக்கெட் விற்பனை, பிரீமியர் ஷோக்கள் ஆகியவற்றிலும் 'புஷ்பா 2' படத்தின் சாதனைகள் அதிகம். 'புஷ்பா 2' படத்துக்குப் பிறகு வெளியான ஒவ்வொரு பெரிய படத்தையும் அல்லு அர்ஜுன் படத்துடன் ஒப்பிட்டுப் பார்க்கிறார்கள். அந்த வகையில் 'ஹரிஹர வீர மல்லு' படத்திற்கும் அதிக எதிர்பார்ப்புகள் உள்ளன.
ஹரி ஹர வீர மல்லு: 'புஷ்பா 2' வெளியாகி சுமார் 7 மாதங்களுக்குப் பிறகு 'ஹரிஹர வீர மல்லு' படம் வெளியாகி இருப்பதால், இந்தப் படம் எந்த மாதிரியான வசூல் சாதனைகளை நிகழ்த்தும் என்று ரசிகர்கள் ஆவலுடன் எதிர்பார்த்துள்ளனர். தற்போது இந்த இரண்டு படங்களின் பெய்டு பிரீமியர்ஸ் மற்றும் அதன் வசூல் குறித்த விவாதங்கள் சமூக வலைத்தளங்களில் நடைபெற்று வருகின்றன. குறிப்பாக பவன் கல்யாண் மற்றும் அல்லு அர்ஜுன் ரசிகர்கள் இடையே போட்டி நிலவி வருகிறது.
புஷ்பா 2 ப்ரீமியர் வசூல்: பெய்டு பிரீமியர்ஸ் வசூலில் அல்லு அர்ஜுன் நடித்த 'புஷ்பா 2' திரைப்படம் முதலிடத்தில் உள்ளது. அந்த சாதனையை 'ஹரிஹர வீர மல்லு' முறியடிக்க முடியவில்லை. டிசம்பர் 5ஆம் தேதி 'புஷ்பா 2' திரைப்படம் உலகம் முழுவதும் வெளியானது. அதற்கு முந்தைய நாள் டிசம்பர் 4ஆம் தேதி, தெலுங்கு மாநிலங்கள், அமெரிக்கா, இங்கிலாந்து போன்ற பல பகுதிகளில் பெய்டு பிரீமியர்ஸ் திரையிடப்பட்டன. இந்தியா முழுவதும் 640 காட்சிகளில் சுமார் 14.44 கோடி ரூபாய் வசூல் ஆனது. அதில் 13.03 கோடி ரூபாய் முன்பதிவு மூலம் கிடைத்தது.
ஜஸ்ட் மிஸ்: பவன் கல்யாண் நடித்த 'ஹரிஹர வீர மல்லு' திரைப்படத்தின் பெய்டு பிரீமியர்ஸ் ஜூலை 24ஆம் தேதி இன்று வெளியானது. அதற்கு முந்தைய நாள் ஜூலை 23ஆம் தேதி நேற்று தெலுங்கு மாநிலங்கள் மற்றும் வெளிநாடுகளில் பெய்டு பிரீமியர்ஸ் மற்றும் பெனிபிட் ஷோக்கள் திரையிடப்பட்டன. இந்தியா முழுவதும் 737 காட்சிகளில் சுமார் 12.93 கோடி ரூபாய் வசூல் ஆனது. இதில் 12.13 கோடி ரூபாய் முன்பதிவு மூலம் கிடைத்தது. 'புஷ்பா 2' படத்தின் பிரீமியர் வசூல் சாதனையை முறியடிக்க முடியாமல் 'ஹரிஹர வீர மல்லு' திரைப்படம் தோல்வியடைந்தது. இதன் மூலம் 'புஷ்பா 2' திரைப்படம் தனது முதலிடத்தை தக்கவைத்துக் கொண்டது.
Continue with Google