Don't Miss!
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- News சென்னையில் பிரபல ‛பப்’ மேற்கூரை இடிந்து விழுந்து விபத்து.. மெட்ரோ பணிகள் காரணமா! பகீர் தகவல்
- Automobiles கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
’பென்சில்’ பட இயக்குநர் மணி நாகராஜ் திடீர் மரணம்.. அதிர்ச்சியில் திரையுலகம்
சென்னை: பென்சில், வாசுவின் கர்ப்பிணிகள் படங்களின் இயக்குநர் மணி நாகராஜ் மாரடைப்புக் காரணமாக காலமானார். அவருக்கு வயது 52.
Recommended Video
இயக்குநர் கெளதம் மேனனின் உதவி இயக்குநராக பணியாற்றியவர் மணி நாகராஜ்.
ஜிவி பிரகாஷின் பென்சில் படத்தின் மூலம் இயக்குநராக அறிமுகமான அவர், திடீரென மாரடைப்புக் காரணமாக உயிரிழந்தது ஒட்டுமொத்த திரையுலகையும் அதிர்ச்சியில் ஆழ்த்தி உள்ளது.
41 வயதான பிக் பாஸ் நடிகை.. கோவாவுக்கு சூட்டிங் சென்ற இடத்தில் திடீர் மரணம்.. சோகத்தில் திரையுலகம்
மாரடைப்பால் மரணம்
இளம் வயதிலேயே சினிமா பிரபலங்கள் தொடர்ந்து மாரடைப்புக் காரணமாக மரணித்து வருவது பெரும் அதிர்ச்சியை ஏற்படுத்தி உள்ளது. இந்நிலையில், இயக்குநர் மணி நாகராஜ் மாரடைப்புக் காரணமாக உயிரிழந்தார் என்கிற அதிர்ச்சி தகவல் வெளியாகி ஒட்டுமொத்த திரைத்துறையினரையும் அதிர்ச்சியில் ஆழ்த்தி உள்ளது.
பென்சில் பட இயக்குநர்
ஜிவி பிரகாஷ், ஸ்ரீதிவ்யா நடிப்பில் கடந்த 2016ம் ஆண்டு வெளியான பென்சில் திரைப்படத்தின் மூலம் இயக்குநராக அறிமுகமானவர் மணி நாகராஜ். பள்ளி மாணவர்களாக ஜிவி பிரகாஷ் மற்றும் ஸ்ரீதிவ்யா அந்த படத்தில் நடித்திருந்தனர். இளைஞர்களை அந்த படம் வெகுவாக கவர்ந்திருந்தது.
வாசுவின் கர்ப்பிணிகள் இயக்குநர்
அதன் பிறகு கிட்டத்தட்ட 6 ஆண்டுகளாக புதிய படங்கள் ஏதும் இவரது இயக்கத்தில் வெளியாகாத நிலையில், வாசுவின் கர்ப்பிணிகள் படத்தை இயக்கி வந்தார் மணி நாகராஜ். விஜய் டிவி நீயா நானா கோபிநாத் டாக்டராக நடிக்க வனிதா விஜயகுமார், அனிகா சுரேந்திரன் உள்ளிட்ட 4 நடிகைகள் கர்ப்பிணிகளாக இருக்கும் போஸ்டர் வெளியாகி பரபரப்பை கிளப்பியது. அந்த படத்தை இயக்கி வந்த நிலையில், தற்போது படம் வெளியாகமலே இயக்குநரின் உயிர் பிரிந்து விட்டது.
பிரபலங்கள் அதிர்ச்சி
பென்சில், வாசுவின் கர்ப்பிணிகள் உள்ளிட்ட படங்களின் இயக்குநரான மணி நாகராஜ் திடீரென மாரடைப்பு காரணமாக உயிரிழந்த செய்தி ஒட்டுமொத்த கோலிவுட் பிரபலங்களையும் ரசிகர்களையும் அதிர்ச்சியில் ஆழ்த்தி உள்ளது. இவரது ஆன்மா சாந்தியடைய பலரும் பிரார்த்தனை செய்து வருகின்றனர்.
ரசிகர்கள் இரங்கல்
மாரடைப்பு காரணமாக உயிரிழந்த மணி நாகராஜுக்கு வாசுவின் கர்ப்பிணிகள் படக்குழுவினர் இரங்கல் தெரிவித்துள்ளனர். மேலும், ஜிவி பிரகாஷ் ரசிகர்கள் சமூக வலைதளங்களில் மணி நாகராஜ் மறைவு செய்து அறிந்ததும் கண்ணீர் மல்க இரங்கல் தெரிவித்து வருகின்றனர்.
ஜிவி பிரகாஷ் இரங்கல்
என் நண்பரும் இயக்குநருமான மணி நாகராஜ் உயிரோடு இல்லை என்பதை என்னால் நம்பவே முடியவில்லை. அவரது மறைவால் வாடும் குடும்பத்தினருக்கு எனது ஆழ்ந்த இரங்கல் என மணி நாகராஜ் இயக்கத்தில் பென்சில் படத்தில் நடித்த நடிகரும் இசையமைப்பாளருமான ஜிவி பிரகாஷ் தனது ட்விட்டர் பக்கத்தில் இரங்கல் தெரிவித்துள்ளார்.