லிடியன் நாதஸ்வரம் : ரூ. 7 கோடி வென்ற சென்னை சிறுவனின் மதம், சாதியை கூகுளில் தேடும் மக்கள்

லிடியன்

அடேங்கப்பா நம்ம சென்னையை சேர்ந்த சிறுவன் 150க்கும் மேற்பட்ட நாடுகளை சேர்ந்தவர்கள் கலந்து கொண்ட போட்டியில் வெற்றி பெற்றிருக்கிறார் என்று பலரும் பெருமை அடைந்துள்ளனர்.

மதம்

லிடியனின் சாதனையை நினைத்து பெருமைப்படுபவர்கள் ஒருபுறம் இருக்க அவரின் பெற்றோர் யார், மதம், சாதி என்ன என்று கூகுளில் தேடுபவர்களும் உள்ளனர். ஒரு திறமைசாலி கிடைத்திருக்கிறார் என்று கொண்டாடாமல் சாதியையா தேடுவது?. நல்ல வேளை முண்டாசுக்கவி பாரதி உயிருடன் இல்லை.

கூகுள்

லிடியன் விஷயத்தில் மட்டும் அல்ல விளையாட்டுத் துறையை சேர்ந்த யாராவது வெற்றி பெற்றாலும் கூட அவர்களின் சாதியை தேடுவது வழக்கமாகிவிட்டது. இந்த தேடல் என்று ஓயுமோ?

இசை

லிடியனின் தந்தை வர்ஷன் சதீஷ். அவர் இசையமைப்பாளராக உள்ளார். லிடியனின் அக்கா அமிர்தவர்ஷினியும் நன்றாக பியானோ வாசிப்பார். அக்காவும், அப்பாவும் தான் தன் முதல் பியானோ ஆசிரியர்கள் என்கிறார் லிடியன். சிறுவனின் திறமையை பாராட்டுவோம், சாதி, மதத்தை தேட வேண்டாம்.