Don't Miss!
- Technology இப்படியொரு புரொஜெக்டர் யாரும் பார்த்ததில்லை.. 32GB மெமரி.. 1080P ரெசல்யூஷன்.. எந்த மாடல்? என்ன விலை?
- Lifestyle தினமும் 10 பவுன் தங்கத்தை தூசியாக உமிழும் அதிசய எரிமலை... இந்த எரிமலையா இல்ல தங்கச்சுரங்கமானே தெரிலயே...!
- News இதுக்கு எதுக்கு தட்கலில் டிக்கெட் புக் பண்ண வேண்டும்? ஏசி 2ம் வகுப்பு பெட்டியிலேயே இதுதான் நிலைமை
- Automobiles ஹெல்மெட் போடாமல் பைக்கில் போன விஜய் சேதுபதி! ஓட்டு போட வந்த இடத்தில் மானமே போச்சு!
- Travel சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்!
- Finance பருவநிலை மாற்றத்தால் உலகமே வறுமையில் வாடப் போகிறது – எச்சரிக்கும் ஆய்வறிக்கை
- Sports "மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
முதல் ஐமேக்ஸ் தியேட்டர்... விலையைப் பற்றிக் கவலைப்படாமல் வரிசை கட்டும் மக்கள்!
ஐமேக்ஸ் தியேட்டர் பற்றி செய்திகள் வரும்போதெல்லாம், நம்ம ஊருக்கு இப்படி ஒரு தியேட்டர் வராதா என ஏங்கினர் ரசிகர்கள். குறிப்பாக ஹைதராபாத் பிரசாத் ஐமேக்ஸில் படம் பார்த்தவர்கள் தங்கள் அனுபவங்களைக் கூறும்போது பெரும் ஏக்கம் பிறக்கும்.
அந்தக் குறையைப் போக்கும் விதமாக சத்யம் சினிமாக்காரர்கள் வேளச்சேரி பீனிக்ஸ் மாலில் முதல் ஐமேக்ஸை அமைத்தார்கள். ஆனால் அதற்கான அனுமதி கிடைக்க தாமதமானதால், பீனிக்ஸ் மாலில் இருந்த பதினோரு அரங்குகளில் பத்து அரங்குகள் மட்டும் செயல்பட்டன. முதல் அரங்கமான ஐமேக்ஸ் மூடியே கிடந்தது.
இப்போது ஜாஸ் சினிமா நிறுவனம் பீனிக்ஸ் மாலில் உள்ள லக்ஸ் அரங்கங்களை வாங்கிவிட்டது. அடுத்த சில மாதங்களில் ஐமேக்ஸுக்கு அனுமதி கிடைத்து, இன்று முதல் காட்சி தொடங்கியும்விட்டது.
இன்னும் இரு ஐமேக்ஸ் அரங்குகள் சென்னையில் தயாராக உள்ளன. அவற்றில் ஒன்று வடபழனி விஜயா மாலில் உள்ளது. இன்னும் அனுமதி கிடைக்கவில்லை. அடுத்தது, வேளச்சேரி கிராண்ட் மாலில் உள்ள பிவிஆரில். இந்த இரு ஐமேக்ஸ் அரங்குகளும் திறந்துவிட்டால், ரசிகர்களுக்கு கொண்டாட்டம்தான்.
பீனிக்ஸ் மாலில் இப்போது திறக்கப்பட்டுள்ள ஐமேக்ஸ் அரங்கில் கட்டணம் ரூ 360. 3 டி கண்ணாடிக்கு ரூ 30. ஆன்லைன் ரிசர்வேஷனுக்கு ரூ 30 கூடுதல் கட்டணம், பார்க்கிங்குக்கு ரூ 160 வரை போகிறது. கொறிக்க திண்பண்டங்கள், குளிர்பானம் குறைந்தது ரூ 150 வரை செலவாகும்.
இவ்வளவு காஸ்ட்லி தியேட்டர் என்றாலும், ஒரு முறையாவது ஐமேக்ஸ் அனுபவத்தைப் பெற வேண்டும் என்பதால் முன்பதிவு செய்ய அலைமோதுகிறார்கள் மக்கள். அதுவும் ஜேம்ஸ் பாண்ட் படமான ஸ்பெக்டரைப் பார்க்க அத்தனை ஆர்வம் காட்டுகின்றனர்.