கழுத்தில் ஸ்கார்ப்.. கையில் ஸ்டாண்ட்.. மாஸாக களமிறங்கியிருக்கும் ரஜினி.. குவியும் லைக்ஸ்!

குறியீடு

இந்த மோஷன் போஸ்டரில் பேப்பர், பேனா, ஜாமெண்டரி பாக்ஸ் போன்றவை காற்றில் மிதந்தவண்ணம் இருக்கிறது. இப்படத்தில் ரஜினி கல்லூரி பேராசிரியராக நடிக்கிறார் எனக் கூறப்படுகிறது. எனவே, அதனைக் குறிப்பிடும் வகையில் இவை குறியீடாக பயன்படுத்தப் பட்டிருக்கலாம் எனத் தெரிகிறது.

வயதான தோற்றம்:

கபாலி, காலா என இதற்கு முந்தைய படங்கள் இரண்டிலும் வயதான கதாபாத்திரத்தில் நடித்திருந்தார் ரஜினி. இந்த இரண்டு படங்களிலுமே ஏறக்குறைய தாத்தா வேடத்தில் தான் அவர் நடித்திருந்தார். இது அவரது ரசிகர்களுக்கு சற்று ஏமாற்றமாகத் தான் இருந்தது.

லேசான தாடி:

இந்நிலையில், பேட்ட படத்தில் அதில் இருந்து விடுபட்டு மீண்டும் இளமையான தோற்றத்தில் நடித்துள்ளார் ரஜினி. லேசான தாடியுடன், கழுத்தில் ஸ்கார்ப் கட்டி தோற்றமளிக்கிறார். இது படத்தில் பிளாஷ் பேக்கில் வரும் தோற்றமா என்பது தெரியவில்லை. முன் பாதியில் சாதுவான கேரக்டரிலும், பின் பாதியில் அதிரடியான கேரக்டரிலும் என பாட்ஷா ஸ்டைலில் இப்பட்த்தில் ரஜினி நடிப்பதாகக் கூறப்படுகிறது.

சாதனை:

கையில் ஆயுதத்துடன் மோஷன் போஸ்டரில் ரஜினியின் இந்த லுக் ரசிகர்களிடையே அதிக வரவேற்பைப் பெற்றுள்ளது. மோஷன் போஸ்டர் வெளியான சிறிது நேரத்திலேயே அதனை சுமார் 2 லட்சத்து 15 ஆயிரத்திற்கும் மேற்பட்ட பார்வையாளர்கள் பார்த்தனர். தற்போது இந்த எண்ணிக்கை 13 லட்சமாக உயர்ந்துள்ளது.

டிரெண்டிங்:

இதேபோல், சுமார் 86 ஆயிரத்திற்கும் மேற்பட்டோர் லைக்ஸூம், 5 ஆயிரத்திற்கும் மேற்பட்டோர் கமெண்டும் பதிவு செய்துள்ளனர். டிவிட்டரிலும் ரஜினி படத்தலைப்பான பேட்ட உலகளவில் டிரெண்டிங் ஆனது குறிப்பிடத்தக்கது.