Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Automobiles உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
பேட்ட... எய்ட்டீஸ் கிட்ஸ் ரொம்ப ரொம்ப ஹேப்பி அண்ணாச்சி!
பேட்ட படத்தில் ரஜினியின் தோற்றத்தால் அவரது ரசிகர்கள் மகிழ்ச்சி அடைந்துள்ளனர்.
சென்னை: நீண்ட இடைவெளிக்குப் பிறகு பேட்ட படத்தில் ரஜினியின் இளமையான தோற்றத்தைப் பார்த்து ரஜினி ரசிகர்கள் மகிழ்ச்சி அடைந்துள்ளனர்.
கார்த்திக் சுப்புராஜ் இயக்கத்தில் ரஜினி நடித்த பேட்ட படம் கடந்தவாரம் ரிலீசாகி, திரையரங்குகளில் வெற்றிகரமாக ஓடிக் கொண்டிருக்கிறது. கபாலி, காலா என தன் முந்தைய சில படங்களில் வயதான தோற்றத்தில் நடித்திருந்த ரஜினி மீண்டும் இப்படத்தில் இளமையான துள்ளலான தோற்றத்தில் நடித்துள்ளார்.
அதோடு ரஜினி படங்களுக்கே என உள்ள சில எழுதப்படாத இலக்கணங்கள் மீண்டும் இப்படத்தில் இடம் பெற்றுள்ளது. இதனால் ரஜினி ரசிகர்கள் மிகவும் மகிழ்ச்சி அடைந்துள்ளனர்.
எல்லா வயதிலும் ரசிகர்கள்:
ரஜினிக்கு குழந்தைகள் முதல் வயதானவர்கள் வரை என எல்லா வயதிலும் ரசிகர்கள் இருக்கின்றனர். அதற்குக் காரணம் அவரது படத்தில் இடம்பெறும் ஆபாசமில்லாத நகைச்சுவை, அவரது முகபாவங்கள், துள்ளலான நடிப்பு போன்றவை தான். நிஜத்தில் வயதானபோதும், படத்தில் அது பிரதிபலிக்காமல் பார்த்துக் கொண்டார் ரஜினி.
பிடிச்சிருக்கு.. ஆனா, பிடிக்கலை:
ஆனால், பேட்டக்கு முந்தைய சில படங்களில், பாலிவுட்டில் அமிதாப் செய்து வருவது போல, தனது வயதிற்கு பொருத்தமான கதாபாத்திரங்களில் நடித்திருந்தார். அப்படங்களில் தானே முன் வந்து, வயதான கதாபாத்திரத்தில் அவர் நடித்தார். ரசிகர்களுக்கு அப்படங்கள் பிடித்திருந்தாலும், அவர்கள் அதை அவரிடம் தொடர்ந்து எதிர்பார்க்கவில்லை.
மகிழ்ச்சி
எப்போதும் தங்களது தலைவர் இளமையாகவே இருக்க வேண்டும் என அவர்கள் விரும்பினர். அதோடு அவரது ஸ்டைல், நகைச்சுவையான பேச்சு போன்றவற்றையும் அவர்கள் மிகவும் எதிர்பார்த்தனர். இதனாலேயே பேட்ட படத்தின் பர்ஸ்ட் லுக் வெளியானதும், ரஜினியின் தோற்றத்தைப் பார்த்து அவர்கள் மிகவும் மகிழ்ச்சி அடைந்தனர்.
ரசிகர்கள் திருப்தி:
தற்போது படத்திலும் அவரது தோற்றம் மற்றும் நடிப்பைப் பார்த்து அவர்கள் மிகவும் திருப்தி அடைந்துள்ளனர். அதிலும் குறிப்பாக எண்பதுகளில் பிறந்த குழந்தைகளான, தற்போது 35 பிளஸ் வயதில் இருப்பவர்கள், பேட்ட படத்தில் ரஜினியின் தோற்றத்தை மிகவும் ரசித்து வருகின்றனர். அந்தப் பழைய ரஜினியைப் பார்த்துவிட்ட திருப்தி அவர்களுக்கு.
|
ஒரு வரி விமர்சனம்:
தங்களது மகிழ்ச்சியை வெளிப்படுத்தும் வகையில் சிலர் மீம்ஸ்களும் வெளியிட்டு வருகின்றனர். பேட்ட படத்தின் இசையமைப்பாளரான அனிருத்தும் இது தொடர்பான மீம்ஸ் ஒன்றைத் தனது டிவிட்டர் பக்கத்தில் பகிர்ந்துள்ளார். ஒரே வரியில் பேட்ட படத்தின் விமர்சனம் என இந்த மீம்ஸை ரஜினி ரசிகர்கள் கொண்டாடி வருகின்றனர்.