ஸ்பீல்பெர்க்குக்கு அனில் அம்பானி கொடுத்த பார்ட்டியில் கமல், ஸ்ரீதேவி, அமிதாப், ஐஸ்

By Siva

Published: Wednesday, March 13, 2013, 16:36 [IST]

மும்பை: ஹாலிவுட் இயக்குனர் ஸ்டீபன் ஸ்பீல்பெர்க்கிற்கு ரிலையன்ஸ் நிறுவனத்தின் அனில் அம்பானி கொடுத்த பார்ட்டியில் ஏராளமான கமல் ஹாஸன் மற்றும் பாலிவுட் நட்சத்திரங்கள் கலந்து கொண்டனர்.

ஆஸ்கர் விருதுகள் வாங்கியுள்ள ஹாலிவுட் இயக்குனர் ஸ்டீபன் ஸ்பீல்பெர்க் இந்தியா வந்துள்ளார். அவர் கடந்த 2 நாட்களாக மும்பையில் தங்கியிருந்தார். அவர் இயக்கி, ட்ரீம்ஒர்க்ஸ் ஸ்டுடியோஸுடன் சேர்ந்து அனில் அம்பானியின் ரிலியைன்ஸ் என்டர்டெயின்மென்ட் தயாரித்த லிங்கன் படத்தில் நடித்த டேனியல் டேவுக்கு சிறந்த நடிகருக்கான ஆஸ்கர் விருது கிடைத்தது. இந்த படத்திற்காக ஸ்பீல்பெர்க் சிறந்த இயகுக்குனருக்குான ஆஸ்கர் விருதுக்கு பரிந்துரைக்கப்பட்டார். இந்நிலையில் லிங்கன் பட வெற்றியைக் கொண்டாட தான் ஸ்பீல்பெர்க் இந்தியா வந்துள்ளார்.

இந்நிலையில் அனில் மற்றும் அவரது மனைவி டீனா அம்பானி சேர்ந்து தெற்கு மும்பையில் உள்ள தங்கள் வீட்டில் ஸ்பீல்பெர்க்கிற்கு நேற்று முன்தினம் இரவு பார்ட்டி கொடுத்தனர். இதில் பாலிவுட் பிரபலங்கள் பலரும் உலக நாயகன் கமல் ஹாஸனும் கலந்து கொண்டனர். அமிதாப் பச்சன், ஜெயா பச்சன், ஐஸ்வர்யா ராய் பச்சன், ஷாருக்கான் மனைவி கௌரி கான், பிரீத்தி ஜிந்தா, பர்ஹான் அக்தர், ஜோயா அக்தர், ஹேம மாலினி, அனுஷ்கா சர்மா, ரித்தேஷ் தேஷ்முக், ஜெனிலியா உள்ளிட்டோர் கலந்து கொண்டனர். பாலிவுட்டின் முக்கியமான மூன்று கான்களான சல்மான் கான், ஷாருக் கான் மற்றும் ஆமீர் கான் இந்த பார்ட்டிக்கு வரவில்லை.