முகப்பு

செய்திகள்

இந்திப் பட வரலாற்றிலேயே முதல் முறையாக ஆமீர்கானின் பீகே ரூ 278.52 கோடியைக் குவித்து புதிய சாதனைப் படைத்துள்ளது.

அமீர் கான் நடிப்பில் கடந்த மாதம் 19-ம் தேதி வெளியான ‘பிகே' திரைப்படம் பெரும் வரவேற்பைப் பெற்று ஓடிக் கொண்டுள்ளது.

இதற்கு முன்னர், அதிக வசூலை வாரிக் குவித்த ‘பாக்ஸ் ஆபிஸ் ஹிட்' படங்களின் முதல் வரிசையில் அமீர் கான் நடிப்பில் வெளியான ‘தூம் 3' (ரூ.271.82 கோடி), இரண்டாவது இடத்தில் சல்மான் கான் நடிப்பில் வெளியான ‘கிக்' (ரூ. 244 கோடி) மூன்றாவது இடத்தில் ஷாருக் கான் நடிப்பில் வெளியான ‘சென்னை எக்ஸ்பிரஸ்' (ரூ.228 கோடி) ஆகிய படங்கள் இருந்தன.

‘தூம் 3' படத்தின் வசூல் சாதனையை (ரூ.271.82 கோடி) தற்போது வெளியாகியுள்ள ‘பிகே' (ரூ.278.52 கோடி) முறியடித்து விட்டதாக பாலிவுட் வட்டாரங்கள் தெரிவித்துள்ளன.

இதேபோல், வெளிநாடுகளிலும் சுமார் 124 கோடி ரூபாயை இந்தப் படம் வசூலித்துள்ளதாகக் கூறப்படுகிறது.

உள்நாடு, வெளிநாடுகளில் சேர்த்து மொத்தம் ரூ 400 கோடிக்கும் மேல் இந்தப் படம் வசூலித்துள்ளதாக பாக்ஸ் ஆபீஸ் வட்டாரங்கள் தெரிவிக்கின்றன.