சிவகார்த்திகேயன், விஜய்சேதுபதி இணைந்து செய்த செயல்.. பிளான் பண்ணி பண்ணனும் ஃபர்ஸ்ட் லுக் ரிலீஸ்!

விஜய்சேதுபதி

நேற்று பிறந்தநாள் கொண்டாடிய விஜய்சேதுபதி தற்போது தனது ட்விட்டர் பக்கத்தில் ரியோ ராஜின் அடுத்த படமான பிளான் பண்ணி பண்ணனும் படத்தின் ஃபர்ஸ்ட் லுக் மோஷன் போஸ்டரை ரிலீஸ் செய்துள்ளார். மேலும், ஆல் தி பெஸ்ட் டா தம்பி என ரியோவை வாழ்த்தியுள்ளார்.

சேதுபதி ஹீரோயின்

விஜய்சேதுபதியின் பீட்சா, சேதுபதி, சீதக்காதி படங்களில் நடித்த ரம்யா நம்பீசன் தான் பிளான் பண்ணி பண்ணனும் படத்தில் ரியோவுக்கு ஜோடியாக நடித்துள்ளார். மேலும், இந்த படத்தில் பாலசரவணன், ரோபோ சங்கர் உள்ளிட்ட நடிகர்களும் நடித்து வருகின்றனர்.

முதல் பட தயாரிப்பாளர்

ரியோ ராஜின் முதல் பட தயாரிப்பாளரான சிவகார்த்திகேயனும் தற்போது தனது ட்விட்டர் பக்கத்தில் பிளான் பண்ணி பண்ணனும் படத்தின் மோஷன் போஸ்டரை வெளியிட்டு தனது வாழ்த்துக்களை ரியோவுக்கு தெரிவித்துள்ளார்.

ரியோ நன்றி

ஃபர்ஸ்ட் லுக் மோஷன் போஸ்டரை வெளியிட்ட விஜய்சேதுபதி மற்றும் சிவகார்த்திகேயனுக்கு படத்தின் நாயகன் ரியோ ராஜ் நன்றி தெரிவித்துள்ளார்.

டாக்டர் அப்டேட்

சிவகார்த்திகேயன் மோஷன் போஸ்டரை ரிலீஸ் செய்துள்ள நிலையில், அவரது ரசிகர்கள் டாக்டர் படத்தின் அப்டேட் எப்போ வரும் ஃபர்ஸ்ட் லுக் விடுங்க என கோரிக்கை வைத்து வருகின்றனர்.

மாஸ்டர் லுக்

விஜய்சேதுபதியின் ட்விட்டர் பக்கத்தில் அவரது ரசிகர்கள் மாஸ்டர் படத்தின் லுக்குக்காக வெயிட் பண்றோம்ணா சீக்கிரம் விடுங்க என கோரிக்கை வைத்து வருகின்றனர்.

வலிமை பிஜிஎம்

பிளான் பண்ணி பண்ணனும் படத்திற்கு இசையமைத்துள்ள யுவன் சங்கர் ராஜாவும் மோஷன் போஸ்டரை தனது ட்விட்டர் பக்கத்தில் பகிர்ந்துள்ளார். அவரிடம் தல அஜித் ரசிகர்கள் வலிமை படம் குறித்த அப்டேட் மற்றும் பிஜிஎம் எப்போ என கேள்வி கேட்டு வருகின்றனர்.