பாடகராக அறிமுகப்படுத்தியவரை இசையமைப்பாளராக அறிமுகப்படுத்தும் இயக்குநர் மணிரத்னம்!

கோவிந்த் வசந்தா

வானம் கொட்டட்டும் படத்தின் கதை மற்றும் வசனத்தை, படைவீரன் பட இயக்குநர் தானா உடன் சேர்ந்து மணிரத்னமும் எழுதியுள்ளார். இந்த படத்திற்கு 96 படத்தின் இசையமைப்பாளர் கோவிந்த் வசந்தா இசையமைக்க இருப்பதாக தகவல் வெளியானது.

சித் ஸ்ரீராம் இசையமைக்கிறார்

இந்நிலையில் அவர் பல படங்களில் பிஸியாக உள்ளதால் வானம் கொட்டட்டும் படத்தில் இருந்து விலகியுள்ளார். இதைதொடர்ந்து சித் ஸ்ரீராம் இசையமைக்க உள்ளதாக கூறப்படுகிறது. சித் ஸ்ரீராம் மணிரத்னத்தின் கடல் படத்தில் ஒரு பாடலை பாடி தமிழ் சினிமாவில் பாடகராக அறிமுகமானார்.

பல பாடல்களை பாடியிருக்கிறார்

இந்நிலையில் மணிரத்னத்தின் படத்தின் மூலமே சித் ஸ்ரீராம் இசையமைப்பாளராகவும் அறிமுகமாகவுள்ளார். சித் ஸ்ரீராம் பல முன்னணி இசையமைப்பாளர்களின் இசையில் பாடியுள்ளார்.

பிலிம் பேர் விருது

ஏஆர் ரஹ்மான் இசையில் கடல் படத்தில் அடியே என்ற பாடல் ஐ படத்தில் என்னோடு நீ இருந்தால் உள்ளிட்ட பல பாடல்களை பாடியுள்ளார். சித் ஸ்ரீராம் என்னோடு நீ இருந்தால் பாடலுக்காக சிறந்த பின்னணி பாடகருக்கான பிலிம் பேர் விருது பெற்றுள்ளார் என்பது குறிப்பிடத்தக்கது.