70 ஆண்டுளுக்கு முன்பு பாடிய பாடலை ஆடை படத்தில் பாடிய சுசீலா! என்ன பாட்டா இருக்கும்?!

சுவாரசிய தகவல்

இந்நிலையில் படம் குறித்தும், ஆடை படமாக்கப்பட்டது குறித்தும் படத்தின் இயக்குநரான ரத்னகுமாரும் நடிகை அமலா பாலும் தொடர்ந்து பகிர்ந்து வருகின்றனர். அந்த விதத்தில் படம் குறித்த சுவாரசிய தகவல் ஒன்றை படத்தின் இயக்குநரான ரத்னகுமார் வெளியிட்டுள்ளார்.

சுசீலா பாட்டு

அதாவது ஆடை படத்தில் மூத்த பின்னணி பாடகியான சுசீலா பாடல் ஒன்றை பாடியுள்ளதாக ரத்னகுமார் தெரிவித்துள்ளார். 83 வயதில் சுசீலா அம்மா எங்களின் ஆடை படத்தில் ஒரு பக்தி பாடலை பாடியுள்ளார்.

கடவுளின் ஆசிர்வாதம்

இதே பாடலை 70 ஆண்டுகளுக்கு முன்பு சுசீலா அவர்கள் முதல் முறையாக பாடியிருக்கிறார். எங்கள் படத்தில் அவரது குரல் இருப்பது கடவுளின் ஆசீர்வாதம் என பதிவிட்டுள்ள இயக்குநர் ரத்ன குமார் ஸ்டுடியோவில் சுசீலாவுடன் இருக்கும் போட்டோக்களை வெளியிட்டுள்ளனர்.

நீண்ட இடைவெளிக்குப் பிறகு

கடந்த ஆண்டு நடைபெற்ற எம்ஜிஆர் நூற்றாண்டு விழாவில் அமைச்சர் ஜெயக்குமாருடன் இணைந்து பாடல்களை பாடினார் சுசீலா. இந்நிலையில் நீண்ட இடைவெளிக்கு பிறகு சினிமா பாடலை பாடியிருக்கிறார் சுசீலா என்பது குறிப்பிடத்தக்கது.