PM Narendra Modi ட்ரெய்லர்: குஜராத் கலவரத்தில் இஸ்லாமியர்களை காப்பாற்றிய மோடி

ஆர்.எஸ்.எஸ்.

மோடி சிறு வயதில் டீ விற்றது, ஆர்.எஸ்.எஸ். அமைப்பில் சேர்ந்து பயிற்சி பெற்றது, குஜராத் முதல்வரானது, பின்னர் பிரதமர் ஆனது என்று அவரின் முன்னேற்றத்தை காண்பித்துள்ளனர். சுருக்கமாக சொன்னால் மோடியை ஆக்ஷன் கிங்காக காண்பித்துள்ளார்கள்.

இஸ்லாமியர்கள்

2002ம் ஆண்டு குஜராத்தில் நடந்த கலவரத்தின்போது மோடி இஸ்லாமியர்களை காப்பாற்றுவது போன்று ட்ரெய்லரில் காண்பிக்கப்பட்டுள்ளது. பாகிஸ்தானை எச்சரிக்கிறேன். அவர்கள் நம்மை மீண்டும் தாக்கினால் அவர்களின் கைகளை வெட்டுவேன். எங்களின் தியாகத்தை பார்த்திருக்கிறீர்கள், பழிவாங்குவதை தற்போது பார்ப்பீர்கள் என்று விவேக் ஓபராய் ட்ரெய்லரில் வீராவேசமாக வசனம் பேசியுள்ளார்.

ரிலீஸ்

லோக்சபா தேர்தல் ஏப்ரல் மாதம் நடக்கிறது. இந்நிலையில் பி.எம். நரேந்திர மோடி படம் ஏப்ரல் 5ம் தேதி ரிலீஸாகிறது. இந்த படம் இந்தி, தமிழ், தெலுங்கு ஆகிய மொழிகளில் வெளியாகிறது.

காங்கிரஸ்

லோக்சபா தேர்தல் நடக்க உள்ள நேரத்தில் மோடியின் வாழ்க்கை வரலாற்று படத்தை வெளியிடுவது தேர்தல் விதிமுறைகளுக்கு எதிரானது என்று கூறி தேர்தல் ஆணையத்தில் காங்கிரஸ் புகார் அளித்துள்ளது என்பது குறிப்பிடத்தக்கது.