ஹீரோ வீட்டு பார்ட்டியில் குடித்துவிட்டு காரை ஓட்டி விபத்து ஏற்படுத்திய இயக்குனர்

கார் விபத்து

பார்ட்டியில் மது அருந்திய ரவீந்திரா தனது காரில் வீட்டிற்கு கிளம்பினார். ஹைதராபாத்தில் உள்ள ஜுபிளி ஹில்ஸ் பகுதியில் இருக்கும் கபே அப்பாட் அருகே இரவு 11 மணிக்கு சென்றபோது மற்றொரு கார் மீது தனது காரை மோதியுள்ளார்.

ரவீந்திரா

வேறொரு கார் மீது மோதிய ரவீந்திரா தனது காரை நிறுத்தாமல் அங்கிருந்து சென்றுவிட்டார். இந்த சம்பவம் குறித்து பாதிக்கப்பட்ட கார் உரிமையாளர் ஹர்மிந்தர் சிங் போலீசில் புகார் அளித்தார்.

வால்வோ கார்

சிவப்பு நிற வால்வோ காரை இயக்குனர் ரவீந்திரா தான் ஓட்டி வந்தார். பெரிய பிரபலமாக இருந்து கொண்டு தவறு செய்துவிட்டு மன்னிப்பு கேட்காமல் ஓடிவிட்டார் என்று ஹர்மிந்தர் சிங் சமூக வலைதளத்தில் தெரிவித்துள்ளார்.

வழக்கு

சம்பவம் நடந்தபோது ஹர்மிந்தரின் காரில் அவரின் பெற்றோர் இருந்துள்ளனர். இந்த விபத்து குறித்து போலீசார் ரவீந்திரா மீது வழக்குப்பதிவு செய்துள்ளனர். ரவீந்திரா தலைமறைவாகிவிட்டதால் அவரை போலீசார் தேடிக் கொண்டிருக்கிறார்கள்.