16 வருடங்களுக்குப் பிறகு... மீண்டும் நடிக்க வரும் அலியா பட்டின் அக்கா!

அறிமுகம்...

மிகக்குறைந்த வயதிலேயே தனது தந்தையின் இயக்கத்தில் டாடி என்ற படத்தில் அறிமுகமானார் பூஜா. பெரும்பாலும் தந்தையின் இயக்கத்தில் நடித்து வந்த பூஜா, தனது 21வது வயதில் இந்தியாவின் இளம் தயாரிப்பாளர் என்ற பெருமையுடன் சினிமா தயாரிப்பிலும் ஆர்வம் காட்டினார்.

இயக்குநர் ஆனார்...

கடந்த 2001ம் ஆண்டு எவ்ரிபடி சேஸ் ஐம் பைன் என்ற படத்தோடு, நடிப்பிற்கு முழுக்குப் போட்ட பூஜா, பின்னர் இயக்குநர் அவதாரம் எடுத்தார்.

44 வயதினிலே...

இந்நிலையில், தற்போது 44 வயதாகும் பூஜா, விரைவில் ஒரு படம் ஒன்றில் நடிக்க இருக்கிறாராம். தனது அறிமுகப்படமான டாடியின் ரீமேக் மூலமாகவே அவர் தனது திரையுலக மறுபிரவேசத்தை திட்டமிட்டுள்ளதாகத் தெரிகிறது.

மறுப்பு...

சினிமா இயக்குவதில் இருந்து ஒதுங்கி விட்ட அவரது தந்தை மகேஷ் பட், இந்த படத்தை இயக்குவார் எனக் கூறப்பட்டது. ஆனால், அத்தகவலை பூஜா பட் மறுத்துள்ளார்.

சகோதரி...

தற்போது பாலிவுட்டில் முன்னணி நடிகைகளுள் ஒருவராக வலம் வரும் அலியா பட், பூஜா பட்டின் தங்கை என்பது குறிப்பிடத்தக்கது.