மைதிலி அன் கோ... மெய் சிலிர்க்கும் 5 அட்டாக் காட்சிகளில் அதகளம் செய்யப் போகும் பூனம்!

ஆக்‌ஷன் அவதாரம்...

படத்தின் தலைப்பைப் பார்க்கும் போதே அது நாயகியை மையப்படுத்திய கதை என்பது உறுதியாகிறது. கதைக்குத் தக்க படத்தில் கவர்ச்சியைப் போலவே ஆக்‌ஷனில் புகுந்து விளையாடி இருக்கிறாராம் பூனம்.

ஒரு பொண்ணு நினைச்சா...

வீரு.கே. இசையமைத்து இயக்கி உள்ள இப்பட, ஆங்கிலப் படத்திற்கு இணையாகத் தயாரிக்கப் பட்டுள்ளதாம். சினிமாத் துறையில் ஒரு பெண் நினைத்தால் எது வேண்டுமானாலும் சாதிக்கலாம் என்பதற்கு இந்தப் படம் உதாரணமாக இருக்கும் என வீரு கூறுகிறார்.

தீவிரவாதிகளுடன் மோதல்...

நாயகியின் ஊரில் தீவிரவாத கும்பல் ஒன்று வெடிகுண்டு வைக்க சதி திட்டம் தீட்டுகிறார்கள். இது அறிந்த நாயகி அவர்களுடன் மோதி இறுதியில் அந்த திட்டத்தை முறியடித்தாரா என்பது படத்தின் கதை.

5 சண்டைக் காட்சிகள்...

இப்படத்தில் பூனம் பாண்டேவுக்கு ஐந்து சண்டைக் காட்சிகள் வைக்கப் பட்டுள்ளதாம். அதில் முக்கால்வாசி ஆக்சன் காட்சிகளில் பூனம் பாண்டேவே ரிஸ்க் எடுத்து நடித்துள்ளாராம். நாயகர்களைப் போலவே பறந்து பறந்து சண்டை போட்டு பட்டையைக் கிளப்பி இருக்கிறாராம்.

கவர்ச்சிக்கு மட்டுமல்ல...

இந்தப் படத்திற்குப் பிறகு கவர்ச்சி நடிப்பு மட்டுமின்றி ஆக்‌ஷன் நாயகியாகவும் பூனம் பாண்டே அடையாளம் பெறுவார் என மைதிலி அன் கோ டீம் உறுதி படக் கூறுகின்றனர்.

விரைவில் ரிலீஸ்...

இப்படத்தின் படப்பிடிப்பு முழுவதும் அமெரிக்கா, ஜெர்மன், மும்பை, ஹைதராபாத் சென்னை போன்ற இடங்களில் நடைபெற்றுள்ளது. மிக விரைவில் இந்த படம் உலகம் முழுவதும் ரிலீசாக உள்ளது.