ஐட்டம் டான்சராகிவிட்ட பவர் ஸ்டார் சீனிவாசன்

தமிழ்சினிமாவில் இன்றைக்கு ஏதாவது ஒரு படத்தில் ஐட்டம் டான்ஸ் ஆடணுமா... வாங்க சீனிவாசனை வைத்து ஒரு காமெடி பண்ணலாம் என கிளம்பிவிடுகிறார்கள் தயாரிப்பாளர்களும் இயக்குநர்களும்.

கவர்ச்சியான நான்கு நடிகைகளை ஆட விட்டு, அவர்களுடன் டான்சே தெரியாத சீனிவாசன் கையைக் காலை ஆட்டுவதை வைத்து கவர்ச்சி ப்ளஸ் காமெடி ஐட்டம் பாட்டு எடுப்பதுதான் இப்போதைய ட்ரெண்ட்.

கிட்டத்தட்ட பத்துப் படங்களில் இப்படிப்பட்ட பாடல் மற்றும் நடனம் ஆட ஒப்புக் கொண்டுள்ளார் பவர் ஸ்டார்.

ஒன்பதுல குரு, சும்மா நச்சுனு இருக்கு, அழகன் அழகி, சேட்டை, ஐ.. இப்படி நீள்கிறது பட்டியல். ஷங்கரின் ஐ படத்தில் கூட பவர் ஸ்டாருக்கு ஒரு பாடல் இருக்கிறதாம்.

அழகன் அழகி ஷூட்டிங்கிலிருந்த அவரிடம் இதுபற்றிக் கேட்டபோது, "எனக்கு இந்த வேடம் அந்த வேடம் என்ற பாகுபாடில்லை. என்னிடம் என்ன வேண்டுமோ அதை இயக்குநர்கள் எடுத்துக் கொள்கிறார்கள். ரொம்ப சந்தோசமா இருக்கு," என்றார்.