பவர் ஸ்டாரின் 'பூதாவதாரம்'!

பூதாவதாரம்

தற்போது பூதாவதாரம் எடுக்கிறார் பவர் ஸ்டார். அதாவது பட்டணத்தில் பூதம் படத்தின் ரீமேக்கில் பூதம் கேரக்டரில் நடிக்கப் போகிறாராம்.

காமெடியும், மாயாஜாலமும்

ஜெய்சங்கர் நாயகனாக நடிக்க உருவான படம்தான் இந்த பட்டணத்தில் பூதம். நகைக்சுவை மற்றும் மாயாஜாலம் என இரண்டையும் கலந்து கொடுத்து எடுக்கபப்ட்ட படம் இது.

பவர்தான் பூதம்

இப்படத்தில் பூதம் கேரக்டரில் நடிக்க சரியானவர் என்று இயக்குநர் மணிகண்டன் தீர்மானித்து அவரையே ஒப்பந்தம் செய்து விட்டாராம். இந்த மணிகண்டன்தான், கண்ணா லட்டு தின்ன ஆசையா படத்தை இயக்கியவர்.

நாயகன் சிவா

ஜெய்சங்கர் நடித்த ஹீரோ வேடத்தில் சிவா நடிக்கப் போகிறாராம். ஹீரோயின் யார் என்பது இதுவரை தெரிவிக்கப்படவில்லை.

கிரேஸி மோகன் வசனம் - தேனப்பன் தயாரிப்பு

கிரேஸி மோகன்தான் இந்தப் படத்தின் வசனத்தை எழுதப் போகிறார். தேனப்பன் தயாரிக்கவுள்ளார்.