புலி படத்தில் விஜய்யுடன் நடிக்கிறார் பவர் ஸ்டார்?

விஜய் நடிக்கும் புலி படத்தில் நகைச்சுவை வேடத்தில் நடிக்கப் போகிறாராம் பவர் ஸ்டார் சீனிவாசன்.

சின்ன பட்ஜெட் படங்களில் நடித்து வந்த சீனிவாசனுக்கு, பெரிய பட்ஜெட் படத்தில் வாய்ப்புக் கொடுத்தவர் ஷங்கர். சமீபத்தில் வெளியான அவரது ஐ-யில் சீனிவாசனுக்கும் குறிப்பிடத்தக்க வேடத்தைக் கொடுத்தார்.

அடுத்து ஒரு பெரிய வாய்ப்புக் கிடைத்துள்ளது. இந்த முறை அவர் விஜய்யின் புலி படத்தில் காமெடி பண்ணப் போகிறாராம்.

விஜய், ஸ்ருதி ஹாஸன், ஹன்சிகா, ஸ்ரீதேவி நடிக்கும் இந்தப் படத்தில் பரோட்டா சூரி, தம்பி ராமையா, இமான் அண்ணாச்சி, கருணாஸ், சத்யன் என காமெடிப்பட்டாளமே உள்ளது. அவர்களுடன் இப்போது பவரும் சேர்ந்துள்ளார்.