பிரபாஸின் ராதே ஷ்யாம் ... பிளஸ்,மைனஸ் என்ன… ரசிகர்களின் பார்வை !

ராதே ஷ்யாம்

உலகையை திரும்பி பார்க்க வைத்த பாகுபலி நாயகன் பிரபாசை ரொமான்டிக் நாயகனாக மாற்றி உள்ள படம் ராதே ஷ்யாம். இப்படத்தில், கைரேகை ஜோதிடராக பிரபாஸ், தனது கையில் காதல் ரேகையே இல்லை என்கிறார். மருத்துவராக வரும் பூஜா ஹெக்டே பிரபாசை காதலிக்கிறார். படம் முழுக்க முழுக்க ரொமான்டிக் நிறைந்த காதல் படமாக உள்ளது.

காதல் கவிதை

பாகுபலி, சாஹோ திரைப்படத்தில் மிரட்டி இருந்த பிரபாஸ் இப்படத்தில் காதலில் கரைந்து உருகி உள்ளார். ஜோதிட நம்பிக்கை, காதல், பிரிவு என அனைத்தையும் ஒரே நேர்க்கோட்டில் கொடுத்து படத்திற்கு மிகப்பெரிய பிளஸ்சாக பிரபாஸ் இருக்கிறார். விதியை யாராலும் மாற்ற முடியாது என்ற வித்தியாசமான கதைக்களத்துடன் இப்படம் பயணிக்கிறது. படத்தின் ஒவ்வொரு காட்சி அமைப்பும் கைதட்டலை பெறும் அளவுக்கு கவிதை நயமாக இருந்தது.

ஆமை வேகத்தில்

முற்பாதி நாயகியின் வாழ்வு பற்றியும் பிற்பாதி பிரபாஸின் வாழ்வு பற்றி கதை ஆமை வேகத்தில் நகர்ந்து செல்ல அலுப்பை ஏற்படுத்தி படத்திற்கு மிகப்பெரிய மைனசாக அமைந்துள்ளது. சுவாரசியமான கதையை கையில் எடுத்த இயக்குநர் படத்தில் இருக்கும் லேகை குறைத்து இருக்கலாம் என்ற எண்ணத்தை ஏற்படுத்தி உள்ளது. படம் முழுக்க ஜோசியம் பார்க்கும் பிரபாஸ் இந்த படத்தில் நடக்கலாமா வேண்டாமா என ஜோசியம் பார்த்து இருக்கலாம் என நக்கலாக கூறிவருகின்றனர்.

கவரவில்லை

கடைசியில் நம்பிக்கை வாழ்க்கை என்ற சத்யராஜின் வசனம் என்கேஜியாக இருக்கிறது. தமிழ், தெலுங்கு, இந்தி, மலையாளம்,கன்னடம் என 5 மொழிகளில் இப்படம் பான் இந்திய திரைப்படமாக இன்று வெளியாகி உள்ளது. தமிழ் சினிமாவின் முக்கிய தயாரிப்பு நிறுவனமான ரெட் ஜெயன்ட் வெளியீடு இப்படம் தமிழ் ரசிகர்களைக் கவராமல் போனது ஆச்சரியத்தை ஏற்படுத்தி உள்ளது.