தனுஷ் போட்டியில்லை… பொங்கலுக்கு தர்பாருடன் மோதப் போறது இவர்தான்!

தர்பார்

லைகா நிறுவனம் தயாரிப்பில் ரஜினிகாந்த், நயன்தாரா, சுனில் ஷெட்டி, நிவேதா தாமஸ், யோகி பாபு உள்ளிட்டோர் நடிப்பில் உருவாகி உள்ள தர்பார் படம் வரும் பொங்கல் பண்டிகையை முன்னிட்டு, ஜனவரி 9ம் தேதி திரைக்கு வரவிருக்கிறது. நீண்ட காலத்திற்கு பிறகு நடிகர் ரஜினிகாந்த், இந்த படத்தில் போலீஸ் அதிகாரியாக நடித்துள்ளார்.

பொன் மாணிக்கவேல்

பிரபுதேவா முதல் முறையாக போலீஸ் வேடத்தில் நடித்திருக்கும் பொன் மாணிக்கவேல் படம் இந்த ஆண்டு வெளியாகும் என அறிவிக்கப்பட்டு, பின்னர், ரிலீஸ் தேதி தள்ளி வைக்கப்பட்டு, எப்போது ரிலீசாகும் என்றே தெரியாமல் கிடப்பில் போடப்பட்டது. சாந்தனு பாக்யராஜை வைத்து கண்டேன் படத்தை இயக்கிய முகில் செல்லப்பன் இயக்கத்தில் பிரபு தேவா நடித்துள்ள பொன் மாணிக்கவேல் படம் ரிலீஸ் பிரச்சனைகள் தீர்ந்து வரும் பொங்கலுக்கு ஒரு வழியாக வெளியாகும் என அறிவிக்கப்பட்டுள்ளது.

போலீஸ் போட்டி

பொங்கலுக்கு வெளியாகும் ரஜினியின் தர்பார் மற்றும் பிரபுதேவாவின் பொன் மாணிக்கவேல் ஆகிய இரு படங்களும் போலீஸ் கதையம்சம் கொண்ட படங்கள் என்பதால், வரும் பொங்கலுக்கு போலீஸ் போட்டி உருவாகும் என எதிர்பார்க்கப்படுகிறது.

நிவேதா பெத்துராஜ்

விஜய்சேதுபதியின் சங்கத்தமிழன் படத்தில் நாயகியாக நடித்திருந்த நிவேதா பெத்துராஜ் தான் பிரபுதேவாவின் பொன் மாணிக்கவேல் படத்தில் நாயகியாக நடித்துள்ளார். சங்கத்தமிழன் எதிர்பார்த்த அளவுக்கு வெற்றியை கொடுக்காத நிலையில், பொன் மாணிக்கவேல் படமாவது நிவேதாவுக்கு கோலிவுட்டில் வெற்றியை கொடுக்குமா என்பதை பொறுத்திருந்து பார்ப்போம்.