பாலிவுட் ரசிகர்கள் உருவாக்கிய பிரபுதேவா மெழுகுச்சிலை...

நடன இயக்குநர்

நடன இயக்குநராக சினிமாவுக்குள் அடியெடுத்து வைத்த பிரபுதேவா, பின்பு நடிகராகி, அதன்பிறகு இயக்குநராகவும் ஆகிவிட்டார். தமிழ், தெலுங்கில் அவர் இயக்கிய படங்கள் சரியாகப் போகாததால், இந்திக்குப் போனார் பிரபுதேவா.

ரீமேக் படங்கள்

இந்தியில் இவர் இயக்கிய வாண்டட், ‘ரவுடி ரத்தோர்', ‘ராமையா வஸ்தாவையா' படங்கள் வெற்றிகரமாக ஓடின. தற்போது அஜய்தேவ்கான், சல்மான்கான் நடிக்கும் பெயரிடப்படாத இரு படங்களை டைரக்டு செய்கிறார்.

நடனத்திற்கு ரசிகர்கள்

பிரபுதேவா நடனத்துக்கு இந்திபட உலகில் பெரும் ரசிகர் பட்டாளம் உள்ளது. அவர்கள் இந்த மெழுகு சிலையை உருவாக்கியுள்ளனர்.

மகிழ்ச்சியான நாள்

இதுபற்றி டுவிட்டரில் குறிப்பிட்டுள்ள பிரபுதேவா, இது என் வாழ்நாளில் மறக்க முடியாத நாள். மிகவும் முக்கியமான நாள். என்னுடைய மெழுகுச் சிலையை நான் தொட்டுப்பார்த்தேன். அதை உருவாக்கிய குழுவினருக்கு நன்றி என்று கூறியுள்ளார்.

தத்ரூபமான சிலை

லண்டன் மியூசியத்தில் அமிதாப்பச்சன், சச்சின், ஷாருக்கான், ஐஸ்வர்யா ராய் போன்றோருக்கு மெழுகு சிலைகள் உள்ளன. பிரபு தேவாவின் சிலை லண்டன் மியூசியத்தில் உள்ள சிலைகள் போல தத்ரூபமாக இருக்கிறதாம்.