ரஜினி, கமல் தேதிக்காக காத்திருக்கும் பிரபு சாலமன்

பிரபு மகன் விக்ரம் பிரபு நடித்துள்ள கும்கி படத்தின் ஆடியோ விரைவில் வெளியாக உள்ளது.

லிங்குசாமி தயாரிப்பில், பிரபு சாலமன் இயக்கத்தில் உருவாகியுள்ள இந்தப் படம்தான் விக்ரமுக்கு முதல் படம்.

தனது திரைப்பிரவேசத்துக்கு ஆசி வழங்கக் கோரி ஏற்கெனவே அவர் சூப்பர் ஸ்டார் ரஜினியைச் சந்தித்ததும், ரஜினி அவரை வாழ்த்தியதை தனி வீடியோவாகவே பதிவு செய்திருப்பதும் நாம் ஏற்கெனவே அறிவித்த ஒன்றுதான்.

இப்போது படத்தின் இசை வெளியீட்டுக்கு சிறப்பு விருந்திராக சூப்பர் ஸ்டார் ரஜினியையும் உலக நாயகன் கமலையும் அழைக்க வேண்டும் என பிரபு ஆசைப்படுகிறாராம்.

பெரிய அளவில் விளம்பரத்துக்கும் ஓபனிங்குக்கும் இது உதவக் கூடும் என்பது பிரபுவின் எண்ணம்.

இதை உடனே செயல்படுத்த களமிறங்கிய இயக்குநர் பிரபு சாலமன், ரஜினி, கமல் இருவரிடமும் தேதி கேட்டு தகவல் அனுப்பியுள்ளாராம்.

ரஜினி, கமல் இருவருமே சிவாஜி குடும்பத்துக்கு வேண்டப்பட்டவர்கள் என்பதால், கட்டாயம் இருவரும் விழாவில் தோன்றுவார்கள் என்கிறார்கள்.