சூர்யாவின் மாஸில் கார்த்தி ஹீரோயின் பிரனீதா

சென்னை: சூர்யா நடித்து வரும் மாஸ் படத்தில் பிரனீதா புதிதாக சேர்க்கப்பட்டுள்ளார்.

வெங்கட் பிரபு இயக்கத்தில் சூர்யா நடித்து வரும் படம் மாஸ். இதில் ஏற்கனவே நயன்தாரா, ஏமி ஜாக்சன் என்று இரு ஹீரோயின்கள் உள்ளனர். இந்நிலையில் படத்தில் புதிதாக சகுனி ஹீரோயின் பிரனீதா சேர்க்கப்பட்டுள்ளார்.

பிரனீதாவின் கதாபாத்திரம் முக்கியத்துவம் வாய்ந்ததாம். பிரனீதா ஏமி ஜாக்சனுக்கு பதில் சேர்க்கப்பட்டுள்ளார் என்று கூறப்படுகிறது. ஆனால் அவர் ஏமிக்கு பதிலாகவா இல்லை கூடுதல் ஹீரோயினாக சேர்க்கப்பட்டாரா என்பது உறுதியாக தெரியவில்லை.

படக்குழு இந்த மாத இறுதியில் பல்கேரியா செல்கிறது. அங்கு ஒரு வார காலம் படப்பிடிப்பு நடக்க உள்ளது. யுவன் ஷங்கர் ராஜா இசையமைக்கும் இந்த படத்தில் தெலுங்கு ஹீரோக்களான ராணா, பிரபாஸ், ரவி தேஜா ஆகியோர் கௌரவத் தோற்றத்தில் வருகிறார்களாம்.

வழக்கம் போல் வெங்கட் பிரபுவின் இந்த படத்திலும் அவரது தம்பி பிரேம்ஜி அமரன் காமெடியில் கலக்க உள்ளார்.