For Quick Alerts
    ALLOW NOTIFICATIONS  
    For Daily Alerts

    7 பீரோக்களில் 160 பொருட்கள்.. இசை அமைப்பாளர் இளையராஜாவிடம் ஒப்படைத்தது பிரசாத் ஸ்டூடியோ!

    By
    |

    சென்னை: இளையராஜாவுக்கு சொந்தமான பொருட்களை பிரசாத் ஸ்டூடியோ நிறுவனம் அவருக்கு வழங்கிவிட்டதாகச் செய்திகள் வெளியாகியுள்ளன.

    இசையமைப்பாளர் இளையராஜா, பிரசாத் ஸ்டூடியோவின் ஒரு பகுதியில் தனது ரெக்கார்டிங் ஸ்டூடியோவை சுமார் 35 ஆண்டுகளுக்கும் மேலாக நடத்தி வந்தார்.

    அதிர்ச்சி.. பிக்பாஸ் அனிதாவின் அப்பா திடீர் மரணம்.. மகளை பார்க்காமல் ரயிலிலேயே உயிர்பிரிந்த சோகம்!அதிர்ச்சி.. பிக்பாஸ் அனிதாவின் அப்பா திடீர் மரணம்.. மகளை பார்க்காமல் ரயிலிலேயே உயிர்பிரிந்த சோகம்!

    இங்கிருந்துதான் நூற்றுக்கணக்கான திரைப்படங்களுக்கு அவர் இசை அமைத்திருந்தார்.

    வாடகை விவகாரம்

    வாடகை விவகாரம்

    அங்கு அவருக்கு ஐந்து அறைகள் இருந்துள்ளன. வாடகை விவகாரம் தொடர்பாக ஏற்பட்ட கருத்து வேறுபாடால் பிரசாத் ஸ்டூடியோ நிர்வாகத்துக்கும் இளையராஜாவுக்கும் பிரச்சனை ஏற்பட்டது. இதனால், அவரை காலி செய்யுமாறு பிரசாத் ஸ்டூடியோ நிர்வாகம் வலியுறுத்தியது.

    போலீசில் புகார்

    போலீசில் புகார்

    இதையடுத்து தன்னை பணியாற்ற விடாமல் இடையூறு செய்வதாக, போலீஸ் ஸ்டேஷனில் புகார் அளித்தார் இளையராஜா. பின்னர், பிரசாத் ஸ்டூடியோவில் தான் வைத்திருக்கும் பொருட்களையும், இசைக் குறிப்புகளையும் எடுத்துக் கொள்ள அனுமதி கோரி சென்னை உயர்நீதிமன்றத்தில் இளையராஜா வழக்குத் தொடர்ந்தார்.

    நிர்வாகம் முடிவு

    நிர்வாகம் முடிவு

    இந்த வழக்கை விசாரித்த நீதிமன்றம், இருதரப்பும் சமரசமாகச் செல்லும்படி அறிவுறுத்தியது. அதன்படி இளையராஜாவை பிரசாத் ஸ்டூடியோவுக்குள் அனுமதிக்க நிர்வாகம் முடிவு செய்தது. இதையடுத்து இளையராஜா தரப்பு வழக்கறிஞர்கள், பிரசாத் ஸ்டூடியோவுக்கு நேற்று சென்று பார்த்தனர்.

    மன வருத்தம்

    மன வருத்தம்

    அப்போது அவருடைய பொருட்கள் ஏதும் இல்லை என்று அவரிடம் தெரிவிக்கப்பட்டது. அவருடைய பொருட்களை குப்பை போல போட்டு வைத்திருப்பதாகவும் வழக்கறிஞர்கள் தெரிவித்தனர். இதனால் மன வருத்தம் அடைந்த இளையராஜா, பிரசாத் ஸ்டூடியோவுக்கு வரவில்லை.

    160 பொருட்கள்

    160 பொருட்கள்

    இந்நிலையில், நீதிமன்றம் நியமித்த ஆணையர்களிடம், இளையராஜா அங்கு வைத்திருந்த பொருட்களின் பட்டியல் கொடுக்கப்பட்டது. அந்தப் பட்டியல் சரிபார்க்கப்பட்டு, பின்னர் அந்த பொருட்கள் எடுக்கப்பட்டது. ஏழு பீரோக்களில் 160 பொருட்கள் இளையராஜா தரப்பினரிடம் ஒப்படைக்கப்பட்டுள்ளதாகக் கூறப்படுகிறது.

    English summary
    Prasad Studio has handed over the belongings of Ilayaraja to him.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X