80ஸ் ரீயூனியன்.. என்னைய மட்டும் கூப்பிடலையே.. நான் அவ்வளவு மோசமானவனா? வருத்தத்தில் பிரபல நடிகர்!

நடிகர் - நடிகைகள் சந்திப்பு

80-களில் திரையுலகில் கோலோச்சிய நடிகர்-நடிகைகள் ஒவ்வொரு ஆண்டும் ஏதாவது ஒரு குறிப்பிட்ட இடத்தில் சந்தித்து பேசுவது வழக்கம். அந்த வகையில் இந்த ஆண்டு அந்த சந்திப்பு ஹைதராபாத்தில் உள்ள நடிகர் சிரஞ்சீவியின் வீட்டில் நடந்தது.

நட்சத்திரங்கள் பங்கேற்பு

இதில் நடிகர்கள் ரகுமான், நாகார்ஜுனா, மோகன்லால், வெங்கடேஷ், சரத்குமார், பாக்யராஜ், பிரபு, சிரஞ்சீவி, ஜெயராம், சுமன், சுரேஷ், ஜெகபதி பாபு, ரமேஷ் அரவிந்த், பானுசந்தர், நடிகைகள் குஷ்பு, ராதிகா, சுஹாசினி, ஜெயசுதா, ஷோபனா, சுமலதா, நதியா, ராதா, அமலா, சரிதா, லிசி, பூர்ணிமா, ஜெயபிரதா, ரேவதி, மேனகா, அம்பிகா, உள்பட பலர் கலந்து கொண்டனர்.

பிரதாப் போத்தன் வருத்தம்

இந்நிகழ்ச்சியில் 80களில் மிகவும் பிரபலமாக இருந்த நடிகர் மற்றும் இயக்குனர் பிரதாப் போத்தன், இந்த நடிகர் நடிகைகள் சந்திப்பு குறித்து வருத்தம் தெரிவித்துள்ளார். நிகழ்ச்சிக்கு தன்னை அழைக்காதது குறித்து மிகவும் வருத்தப்பட்டுள்ளார்.

மோசமான நடிகன்

இதுகுறித்து அவர் தனது சமூக வலைதளப்பக்கத்தில், " 80களின் நடிகர்களில் நான் மோசமான நடிகராகவும், இயக்குனராகவும் இருந்திருக்கலாம். அதனால் அவர்கள் என்னை அழைக்கவில்லை என நினைக்கிறேன். இது எனக்கு வருத்தம் தான்", என குறிப்பிட்டுள்ளார்.

வெற்றி இயக்குனர்

பாலு மகேந்திராவின் மூடு பனி, பன்னீர் புஷ்பங்கள் உள்ளிட்ட பல படங்களில் நடித்தவர் பிரதாப் போத்தன். பின்னர் கமல் நடித்த வெற்றி விழா, பிரபு நடித்த மை டியர் மார்த்தாண்டான், கார்த்திக்கின் லக்கி மேன், சத்யராஜின் ஜீவா, ராம்கி நடித்த ஆத்மா உள்ளிட்ட படங்களை இயக்கினார். தற்போது படங்களில் அப்பா கதாபத்திரங்களில் அவர் நடித்து வருகிறார்.