ப்ரீத்தி, நெஸ் வாடியா விவகாரம்: 'நோ கமெண்ட்ஸ்' என்கிறது பாலிவுட்

சல்மான் கான்

ப்ரீத்தியின் நண்பரான நடிகர் சல்மான் கானிடம் நெஸ் வாடியா விவகாரம் குறித்து கேட்டதற்கு அவர் கூறுகையில், நீங்கள் தவறான இடத்தில் வந்து கேட்கிறீர்கள் என்று மட்டும் கூறிவிட்டு கருத்து தெரிவிக்க மறுத்துவிட்டார்.

அமிதாப் பச்சன்

ப்ரீத்தி, நெஸ் வாடியா விவகாரம் நீதிமன்றத்தில் உள்ளது. அதனால் அது குறித்து நான் கருத்து தெரிவிப்பது நன்றாக இருக்காது என்று அமிதாப் பச்சன் தெரிவித்துள்ளார்.

வித்யா

ப்ரீத்தி எப்பொழுதுமே தனது உரிமைக்காக போராடுபவர், அது சிறப்பானது. அவரின் துணிச்சலுக்கு முழு மதிப்பெண்கள் என்று வித்யா பாலன் தெரிவித்துள்ளார்.

ஷாருக்கான்

ப்ரீத்தியின் நெருங்கிய நண்பரான ஷாருக்கான் கூறுகையில், இது அவரின் தனிப்பட்ட பிரச்சனை. இது சட்டப்படி அணுக வேண்டியது. நண்பர் என்ற முறையில் அவரிடம் நான் இது குறித்து பேசுவேன் என்றார்.

மகேஷ் பட்

இயக்குனர் மகேஷ் பட் ட்விட்டரில் கூறுகையில், அழகான காதல் கதை இப்படி வெறுப்பு கதையாக மாறிவிட்டதே. ப்ரீத்தி, நெஸ் வாடியா காதலுக்கு இப்படி ஒரு துரதிர்ஷ்ட முடிவா என்று தெரிவித்துள்ளார்.