முகப்பு

செய்திகள்

Recommended Video

சென்னை : 'சென்னை 600028', 'சரோஜா', 'மங்காத்தா', 'பிரியாணி', 'மாசு என்கிற மாசிலாமணி' என பல படங்களை இயக்கியவர் வெங்கட்பிரபு. தற்போது 'பார்ட்டி' என்ற படத்தை இயக்கி வருகிறார். இந்தப் படத்திற்கு வெங்கட்பிரபுவின் தம்பி ப்ரேம்ஜி இசையமைக்கிறார்.

இந்தப் படத்தில் ஜெய், மிர்ச்சி சிவா, சத்யராஜ், ரம்யா கிருஷ்ணன், ரெஜினா, நிவேதா பெத்துராஜ் உள்பட பலர் நடிக்கிறார்கள். ஆனால் வெங்கட்பிரபுவின் எல்லா படங்களிலுமே நடிக்கும் பிரேம்ஜி இந்த படத்தில் நடிக்கவில்லை.

இதுபற்றி வெங்கட்பிரபு கூறுகையில், நான் இயக்கியுள்ள அனைத்து படங்களிலுமே பிரேம்ஜி நடித்திருக்கிறார். அந்தப் படங்களில் அவரது நடிப்பு பேசும்படியாகவும் இருந்தது.

சில ரசிகர்கள் பிரேம்ஜியை உங்கள் படங்களில் நடிக்க வைக்க வேண்டாம் என்று சோஷியல் மீடியாவில் வந்து திட்டுகிறார்கள். அதனால் தான் ரசிகர்களின் விருப்பத்தை ஏற்று இப்போது நான் இயக்கும் 'பார்ட்டி' படத்தில் அவரை நடிக்க வைக்கவில்லை. மாறாக, இசையமைக்க வைத்திருக்கிறேன்' எனக் கூறியிருக்கிறார் வெங்கட்பிரபு.