பிரியா பவானி ஷங்கரின் அடுத்தடுத்த படங்கள்.. வெளியானது அதிகாரப்பூர்வ அறிவிப்பு!

தாசில்தாராக நடிக்கவுள்ளார்

மஃப்டி படத்தின் தமிழ் ரீமேக்கில் சிம்பு, கவுதம் நடிக்க இயக்குனர் கிருஷ்ணன் இயக்குகிறார். பிரியாவிற்கு பிறந்தநாள் வாழ்த்து கூறி படக்குழுவில் இணைவதை உறுதி படுத்தியது பத்து தல படக்குழு. இந்த படத்தில் பிரியா தாசில்தாராக நடிப்பதாக தகவல்கள் கசிந்துள்ளது.

லாரன்ஸ் உடன் கூட்டணி

ருத்ரன் படத்தை இயக்கி நடிக்கவுள்ளதாகவும், ஜீ. வி. பிரகாஷ் இசை அமைப்பதாகவும் அறிவித்திருந்தார் லாரன்ஸ். அதில் போலீஸ் அதிகாரியாக நடிக்கவுள்ளார் என சில தகவல்கள் வந்தன. தற்போது அந்த படத்தில் பிரியா இணைவதாக அதிகாரபூர்வ அறிவிப்பு வெளியாகியுள்ளது.

2021 பிரியா வருடம்

இந்த இரண்டு படங்கள் போக குருதி ஆட்டம், ஓ மணப்பெண்ணே, இந்தியன் 2, பொம்மை, களத்தில் சந்திப்போம், கசட தபர, பெயரிடப்படாத 2 படங்கள் என 2021ல் பிரியா நடிப்பில் பல படங்கள் வரவுள்ளன. அனைத்தும் நல்ல வரவேற்பு பெற்றால் 2021 பிரியா வருடமாக அமையும்.

ரசிகர்கள் மகிழ்ச்சி

பிரியாவின் பிறந்தநாளான இன்று பிரியா நடிக்கவுள்ள இரண்டு படங்களின் அறிவிப்பு ரசிகர்களை மகிழ்ச்சியில் ஆழ்த்தியுள்ளது. இவற்றை ரசிகர்கள் கொண்டாடியும், தொடர்ந்து வாழ்த்துக்கள் தெரிவித்தும் வரும் நிலையில் பிரியா தனது பிறந்தநாளை பற்றி ட்வீட் ஒன்றை பதிவிட்டுள்ளார்.