Don't Miss!
- News ஜனநாயக கடமை ஆற்ற முதல் ஆளாக வந்த நடிகர் அஜித்.. 30 நிமிடம் முன்பே வந்து காத்திருந்து ஓட்டு போட்டார்!
- Technology யாரு சாமி நீ.. UPI.. யூடியூப்.. சிங்கிள் சார்ஜில் 6 நாட்கள் பேட்டரி.. புதிய 4ஜி போன் அறிமுகம்.. எந்த மாடல்?
- Sports தம்பி! உனக்கு இது தான் கடைசி வாய்ப்பு.. ரூ.14 கோடி வீரருக்கு நெருக்கடி.. காத்திருக்கும் ஆல்ரவுண்டர்
- Automobiles உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- Lifestyle Today Rasi Palan 19 April 2024: இன்று இந்த ராசிக்காரர்கள் நிலுவையிலுள்ள பணிகளை முடிக்க முயற்சிப்பது நல்லது...
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ஏன் எதுக்கு? ஜி.வி.பிரகாஷ்குமார் படத் தயாரிப்பாளர் திடீர் விலகல்..இணைந்தார் வேறு தயாரிப்பாளர்!
சென்னை: ஜி.வி.பிரகாஷ்குமார் ஹீரோவாக நடிக்கும் படத்தின் தயாரிப்பாளர் விலகியதை அடுத்து வேறு தயாரிப்பாளர் படத்தை தயாரிக்கிறார்.
'வெயில்' மூலம் இசை அமைப்பாளர் ஆனவர் ஜி.வி.பிரகாஷ்குமார். அஜீத்தின் கிரீடம், தனுஷின் பொல்லாதவன், கார்த்தியின் ஆயிரத்தில் ஒருவன், ஆர்யாவின் மதராசப்பட்டினம், ஆடுகளம், தெய்வத்திருமகள் உட்பட பல படங்களுக்கு இசை அமைத்துள்ளார்.
பல்வேறு சூப்பர் ஹிட் பாடல்களைக் கொடுத்துள்ள அவர், சமீபத்தில் ஹிட்டான அசுரன் படத்துக்கும் இசை அமைத்திருந்தார்.
அப்பாடா.. ஒருவழியா பீச்சுக்கு வந்துட்டேன்.. திஷா பதானியின் பிகினி போஸ்.. களைகட்டும் கமெண்ட்ஸ்!
காதலிக்க யாருமில்லை
இதையடுத்து சாம் ஆண்டன் இயக்கிய 'டார்லிங்' படம் மூலம் நடிகராக அறிமுகமானார். ஹாரார் காமெடி படமான இது ஹிட்டானது. இதையடுத்து, பென்சில், திரிஷா இல்லைனா நயன்தாரா, நாச்சியார், சர்வம் தாள மயம், சிவப்பு மஞ்சள் பச்சை உட்பட பல படங்களில் ஹீரோவாக நடித்தார். இப்போது, ஜெயில், ஆயிரம் ஜென்மங்கள், காதலிக்க யாருமில்லை, 4 ஜி உட்பட சில படங்களில் நடித்துள்ளார்.
வாடிவாசல்
இந்தப் படங்கள் விரைவில் வெளியாக இருக்கின்றன. சுதா கொங்கரா இயக்கத்தில் சூர்யா நடித்துள்ள சூரரைப் போற்று, கங்கனா நடிக்கும் தலைவி படங்களுக்கு இசை அமைத்துள்ள அவர், அடுத்து வெற்றிமாறன் இயக்கத்தில் சூர்யா நடிக்கும் வாடிவாசல் உட்பட சில படங்களுக்கு இசை அமைக்க உள்ளார்.
வர்ஷா பொல்லம்மா
இந்நிலையில், வெற்றிமாறனிடம் உதவி இயக்குனராக பணியாற்றிய மதிமாறன் புகழேந்தி இயக்கும் படத்தில் இப்போது, நடிக்கிறார். இதில் ஜி.வி.பிரகாஷ் ஜோடியாக வர்ஷா பொல்லம்மா நடிக்கிறார். இதை கே புரொடக்ஷன்ஸ் சார்பில் எஸ்.என்.ராஜராஜன் தயாரிக்க இருந்தார். சில காரணங்களால் இந்நிறுவனம் விலக, தற்போது 'டிஜி பிலிம் கம்பெனி' என்ற புதிய நிறுவனம் இப்படத்தை தயாரித்து வருகிறது.
விஷ்ணு ரங்கசாமி
இதில் இயக்குனர் கவுதம் வாசுதேவ் மேனன் வில்லனாக நடிக்கிறார். சமீபத்தில் வெளியான கண்ணும் கண்ணும் கொள்ளையடித்தால் படத்தில் இவர் நடிப்புக்கு ரசிகர்கள் மத்தியில் வரவேற்பு கிடைத்தது. இவர்களுடன் வாகை சந்திரசேகர், குணா மற்றும் தொழிலதிபர் சாம் பால் ஆகியோர் நடிக்கிறார்கள். ஜி.வி.பிரகாஷ் இசையமைக்கும் இந்த படத்திற்கு விஷ்ணு ரங்கசாமி ஒளிப்பதிவு செய்கிறார்.
ஆக்ஷன், த்ரில்லர்
ஒரு மாணவனுக்கு கல்லூரிக்கு வெளியே நடக்கும் பிரச்னைகளை மையமாக வைத்து ஆக்ஷன், த்ரில்லர் கதையாக உருவாக்கி வருகிறார்கள். இதில் ஜி.வி.பிரகாஷ், கல்லூரி மாணவராக நடிக்கிறார். இதன் தலைப்பு மற்றும் பர்ஸ்ட் லுக் போஸ்டரை படக்குழுவினர் விரைவில் அறிவிக்க இருக்கிறார்கள். லாக்டவுன் முடிந்ததும் இதன் இறுதிக்கட்ட படப்பிடிப்பு தொடங்கும் என்று படக்குழு தெரிவித்துள்ளது.