இளையராஜாவுக்கு பாராட்டு விழா - தயாரிப்பாளர் சங்கம் தீர்மானம்

1000 படங்களுக்கு மேல் இசையமைத்த இசைஞானி இளையராஜாவுக்கு பாராட்டு விழா நடத்த தமிழ் திரைப்பட தயாரிப்பாளர்கள் சங்கம் ஒருமனதாக தீர்மானம் நிறைவேற்றியது.

தமிழ் திரைப்பட தயாரிப்பாளர்கள் சங்கத்தின் மாதாந்திர பொதுக்குழு கூட்டம் நேற்று கூடியது.

இதில் தமிழ் சினிமாவை ஒழுங்குபடுத்துவதற்கான பல்வேறு நடவடிக்கைகள் குறித்துப் பேசப்பட்டன. சில தீர்மானங்களும் நிறைவேற்றப்பட்டன.

இந்த கூட்டத்தில், 1000 படங்களுக்கு மேல் இசையமைத்துள்ள இளையராஜாவின் சாதனையைப் பாராட்டி பெரும் விழா எடுக்க தீர்மானம் நிறைவேற்றப்பட்டது. அனைத்து உறுப்பினர்களும் ஏகமனதாக இந்த தீர்மானத்தை நிறைவேற்றினர்.

இளையராஜாவின் பாடல்களை ஒளி ஒலிபரப்பும் உரிமை மற்றும் படங்களில் பயன்படுத்தும் உரிமையின் மூலம் கிடைக்கும் வருவாயில் ஒரு பகுதியை தயாரிப்பாளர் சங்கத்துடன் பகிர்ந்து கொள்ளப் போவதாக இளையராஜா அறிவித்திருந்தது குறிப்பிடத்தக்கது.