வெந்து தணிந்தது காடு இசை வெளியீட்டு விழா..கமல்ஹாசனுக்கு நேரில் அழைப்பு!

வெந்து தணிந்தது காடு

விண்ணை தாண்டி வருவாயா, செக்க சிவந்த வானம், அச்சம் என்பது மடமையடா படங்களைத் தொடர்ந்து டைரக்டர் கெளதம் மேனன் இயக்கத்தில் சிம்பு தற்போது நான்காவது முறையாக இணைந்துள்ள படம் வெந்து தணிந்தது காடு. இந்த படத்தில் சிம்பு, முத்து என்ற கேரக்டரில் நடித்துள்ளார். இந்த படத்தின் போஸ்டர், டீசர், பாடல்கள் என அனைத்தும் ரசிகர்களை பெரிதும் கவர்ந்துள்ளது.

டிரைலர் வெளியீட்டு விழா

சிம்புவை கிராமம், நகரம் என இரு வேறு கெட்டப்பில் பார்க்க ரசிகர்கள் காத்துக் கொண்டிருக்கிறார்கள். வெந்து தணிந்தது காடு படத்தின் ஆடியோ மற்றும் டிரைலர் வெளியீட்டு விழா செப்டம்பர் 2 ம் தேதி பல்லாவரத்தில் உள்ள வேல்ஸ் பல்கலைக்கழகத்தில் மாலை 5 மணிக்கு மிகவும் பிரம்மாண்டமாக நடைபெற உள்ளது.

பிரம்மாண்ட செட்

வெந்து தணிந்தது காடு படத்தின் ஆடியோ வெளியீட்டு விழாவிற்காக பெரிய கோட்டை வடிவில் அலங்கரிக்கப்பட்டுள்ள மேடை அனைவரையும் பிரம்மிப்பில் ஆழ்த்தியது. படத்தின் ஆடியோ விழாவை காண ரசிகர்கள் காத்திருக்கும் நிலையில், இந்த விழா நேரடி ஒளிபரப்பு செய்யப்படாது என்ற அதிர்ச்சி தகவல் வெளியாகி உள்ளது.

கமலுக்கு அழைப்பு

இந்நிலையில், வெந்து தணிந்தது காடு படத்தின் இசை வெளியீட்டு விழாவில் சிறப்பு விருந்தினராக கலந்து கொள்ளுமாறு உலக நாயகன் கமலஹாசனுக்கு வேல்ஸ் பிலிம் இன்டர்நேஷனல் சார்பில் ஐசரி.கே.கணேசன் நேரில் சென்று அழைப்பிதழ் கொடுத்துள்ளார். இதனால், கமல், இசைவெளியீட்டு விழாவில் நிச்சயம் கலந்து கொள்வார் என்று எதிர்பார்க்கப்படுகிறது. செப்டம்பர் 15-ஆம் தேதி உலகமெங்கும் திரையரங்குகளில் படம் ரிலீஸாகவுள்ளது.